Mjekët vazhdojnë të luftojnë për jetën e dy fëmijëve në Sofje dhe Plovdiv, pasi u konstatua infeksion meningokokal. Një 27-vjeçar nga një fshat në Jamboll(Bullgaria Juglindore) vdiq nga infeksioni i rëndë muajin e kaluar pasi u soll në Klinikën e Sëmundjeve Infektive në Plovdiv në gjendje shumë të rëndë. Një foshnjë dy muajshe po trajtohet aktualisht në Spitalin Universitar “Shën Gjergji”. Të afërmit e foshnjës do të kontrollohen gjithashtu.

Me këtë rast, kryetari i Komisionit Parlamentar për Shëndetësi, Kostadin Angellov, i bëri thirrje Ministrit të Shëndetësisë që të mbledhë këshillat e ekspertëve për pediatri dhe imunologji për rastet e infeksionit meningokokal në vendin tonë. Duke folur për gazetarët në parlament, ai komentoi se tema është jashtëzakonisht e rëndësishme dhe problemi është serioz.