Të shtunën kundër të dielës (30 mars), ora 03:00në mëngjes, duhet të lëvizim akrepat e orës një orë përpara - deri në 04:00. Në këtë mënyrë, ne do të flemë një orë më pak në atë natë të caktuar, por në të njëjtën kohë, do të jemi në gjendje të përdorim më plotësisht dritën e ditës, e cila gjithashtu duhet të çojë në uljen e kostove të ndriçimit dhe rritjen e kohës për aktivitete në natyrë.

Ndërrimi i orës dy herë në vit me një orë përpara ose mbrapa (gjatë kalimit në kohën e dimrit) praktikohet në Bullgari për 46 vjet. Për shumë njerëz, kjo shkakton stres të madh pasi kërkon kohë për t'u përshtatur me ndryshimin e rutinës së përditshme.

Ndryshimi i orës shpesh çon në prishje të orës biologjike, rritje të lodhjes, stres dhe rreziqe shëndetësore, thonë mjekët. Sipas mjekëve psikiatër, kjo zhvendosje shkakton probleme si për të rinjtë ashtu edhe për të moshuarit. Gjendja shoqërohet me lodhje dhe çorientim të përkohshëm, të ngjashëm me lëvizjen nga një zonë kohore në tjetrën kur udhëtoni në distanca të gjata. Ka njerëz që e kanë më të vështirë të përshtaten me ndryshimin e kohës dhe problemet e tyre vazhdojnë për javë të tëra.

Lexoni më shumë në arkivin e Radio Bullgarisë:

• Për sa kohë do t'i lëvizim akrepat e orës dy herë në vit?