30 marsi është dita kur hapet sezoni veror për Aeroportin e Burgasit. Aeroporti ynë bregdetar do t’u ofrojë turistëve më shumë fluturime dhe destinacione të reja – mbi 70 rrugë, deri në më shumë se 20 vende. Pritet një rritje dyshifrore e trafikut të pasagjerëve, krahasuar me verën e vitit 2024.

Parashikohet një rritje e konsiderueshme e trafikut nga Gjermania – mbi 70% më shumë në krahasim me vitin 2024. Gjithashtu do të ketë rritje të turistëve nga Polonia, Sllovakia, Austria, Danimarka dhe Holanda.

Fluturimi i parë drejt një destinacioni të ri do të jetë drejt Krakovit, Poloni. Kompani të njohura me kosto të ulët po zgjerojnë praninë e tyre në Aeroportin e Burgasit, duke transportuar pasagjerë nga dhe drejt Varshavës, Modlinit, Londrës, Vjenës, Dublinit, Budapestit, Bratislavës, Poznanit, Katovicës, Lubljanës, Gdanskut dhe Kaunasit.

Një lajm tjetër i mirë është se transportuesi kombëtar Bulgaria Air rifillon linjën e brendshme Sofje – Burgas. Fluturimet fillojnë në gjysmën e dytë të qershorit me katër fluturime në javë, ndërsa nga korriku lidhja do të jetë ditore.

Foto: arkiv