Më 2 prill mbushen 95 vjet nga lindja e këngëtares popullore Stefka Sëbotinova. Ajo lindi në vitin 1930 në ish-fshatin Rozov Klladenec, sot fshati Obruçishte, rajoni i qytetit Stara Zagora të Bullgarisë Juglindore. Ajo vjen nga një familje emigrantësh nga Trakia e Еgjeut, të cilëve ia detyronte trashëgiminë e saj të pasur folklorike. Si koriste dhe soliste shumëvjeçare e Ansamblit Shtetëror “Filip Kutev”, Stefka Sëbotinova pati fatin të këndonte në sallat më të mëdha të koncerteve në mbarë botën. Në fillim të viteve 70-të të shekullit të kaluar, ajo u bashkua me Ansamblin e Këngëve Popullore të Televizionit dhe Radios Bullgare dhe korit "Misteri i Zërave Bullgarë".
Stefka Sëbotinova është gjithashtu e vetmja këngëtare me këngë solo në albumin e parë të etnologut, muzikant dhe producent zviceran Marsel Selier "Misteri i Zërave Bullgarë".
Ndër këngët e përfshira në album është "U përmbys mali", e cila që atëherë ishte pjesë e prodhimeve të mëdha filmike si "Jezusi i Montrealit".
Stefka Sëbotinova arriti famë të madhe botërore në mesin e viteve 90-të, kur "U përmbys mali" mori një aranzhim të ri bashkëkohor. Ky është pikërisht versioni që të gjithë e njohim dhe e duam sot, edhe pse këngëtarja nuk është me ne që nga viti 2010.
Interpretimi i këngëtares Stefka Sëbotinova është frymëzim edhe për këngëtarët e rinj. Një dëshmi për këtë është se kënga ka më shumë se një interpretim me një tingëllim krejtësisht modern.
Fama mbarëbotërore e këngës “U përmbys mali” është aq e pamasë sa ndonjëherë këngë të tjera nga repertori i këngëtares Stefka Sëbotinova mbeten në hije. Të mos harrojmë se një pjesë e madhe e punës së saj përfshin kryevepra nga krahina folklorike trake, si dhe këngë popullore humoriste - shumë prej tyre të regjistruara së bashku me këngëtaren Tinka Pesheva. Një prej tyre është “Moj Conke, spec i kuq”.
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: arkiv, YouTube /Bulgarian Folklore Music, Youtube / Nikollaj Antov
Dashnorët e tundimeve të ëmbla e lidhin qytetin e Ruses me magjinë e çokollatës dhe arrave të quajtur torta Garash. Më 13 shtator, në qytetin e Danubitdo të zhvillohet një festë e veçantë kushtuar ëmbëlsirës, dhe tashmë është e qartë se si do..
Më 18 korrik, 188-vjetori i lindjes së Vasill Levski do të festohet me manifestime të ndryshme nderimi në mbarë vendin për heroin e madh kombëtar bullgar. Qendra e festimeve është qyteti i lindjes së Apostullit të Lirisë - Karllovo. Në mbrëmje, në..
Tre ditë në mesin e korrikut gëzojnë vëmendje të veçantë në kalendarin bullgar. Kjo është koha më e ngrohtë e vitit dhe populli ynë i quan me elokuencë 15, 16 dhe 17 korrik – Ditët e Nxehta ( Goreshtnici ). Në këtë mënyrë, paraardhësit tanë nderonin..
Më 18 korrik, 188-vjetori i lindjes së Vasill Levski do të festohet me manifestime të ndryshme nderimi në mbarë vendin për heroin e madh kombëtar..
Dashnorët e tundimeve të ëmbla e lidhin qytetin e Ruses me magjinë e çokollatës dhe arrave të quajtur torta Garash. Më 13 shtator, në qytetin e..
Pjesërisht me re
Vranësira të ndryshueshme mundësi për reshje shiu
Diell, re, shi, bubullime