Në shenjë ndjeshmërie për personat me autizëm, më 2 prill, Ura е Plazhit të Burgasit në Detin e Zi do të ndriçohet me ngjyrë blu, njoftoi Bashkia e qytetit Burgas. Kjo ditë u caktua në vitin 2007 nga Asambleja e Përgjithshme e OKB-së. Qëllimi është që çdo shoqëri të sigurojë kushte për ushtrimin e të drejtave dhe lirive nga personat me autizëm.

Më 1 prill në Kompleksin Qendror Tregtar të kryeqytetit u hap ekspozita fotografike "Përmes syve të mi dhe të tu" nga Sevdalin Tllaçenski - një i ri nga spektri autistik, student në Universitetin e Ri Bullgar në degën "Kinematografia e Filmit dhe Televizionit", dhe një pazar bamirësie me produkte qeramike të krijuara në Punishten “Art dhe Kërcim”. Qëllimi është të mblidhet një pjesë e 200 mijë levave të nevojshme për rinovimin dhe pajisjen e Vilës “Autistika” në Sofje, e cila do të përdoret si qendër ditore për fëmijët dhe të rinjtë me çrregullime të spektrit autistik.

Lexoni më shumë nga arkivi i Radio Bullgarisë:

• Bota, si një puzzle, që nuk mund të zgjidhet

• Miqtë e fëmijëve me autizëm e dëbojnë vetminë e tyre

• Kujdesi për personat me çrregullime të spektrit të autizmit po përmirësohet, por jo me ritmin e dëshiruar

• A stigmatizohen fëmijët me autizëm në Bullgari?