Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bateristi Ivan Dimov hap shtëpinë e tij pranë Cyrihut për artistë nga Bullgaria

Foto: Facebook /Ivan Dimov

"Jeta e një muzikanti është shumë e bukur, nëse arrin ta jetosh ashtu siç dëshiron dhe me muzikën që dëshiron, e jo me atë që tregu të imponon", beson bateristi Ivan Dimov. Karriera e tij muzikore lidhet me dy grupe ikonike bullgare të krijuara në vitet '90 të shekullit XX-të  – "Mastillo" dhe "Mary Boys Band". Megjithatë, prej dy dekadash ai punon në menaxhimin e një kompanie të madhe amerikane në industrinë ushqimore, çka e çon drejt Zvicrës. Kështu, prej 11 vitesh ai jeton pranë kryeqytetit ekonomik të vendit, Cyrihut, dhe e ka shndërruar shtëpinë e tij në një vend mikpritës për muzikantë dhe artistë bullgarë.
Në Bordo
"Kam marrë me qira një shtëpi në një qytet të vogël pranë Cyrihut, në mënyrë që të mund të ndërtoj një studio të mirë në bodrum. Përveç kësaj, dua të kem një shtëpi të madhe, sepse komuniteti bullgar në Zvicër nuk është shumë i madh. Bashkë me bashkëshorten time, u kemi thënë të gjithë muzikantëve dhe artistëve bullgarë që kushdo që dëshiron të mbajë një shfaqje apo koncert në Zvicër, ne ofrojmë ushqim dhe strehim falas. Prandaj, shtëpia jonë është mjaft e madhe dhe kemi një apartament të veçantë për mysafirët. Gjithashtu, në bashkëpunim me shkollën bullgare "Rodna Reç" në Cyrih, përpiqemi të organizojmë ngjarje kulturore bullgare, në mënyrë që fryma bullgare të mbijetojë këtu. Sjellim tekste shkollore, marrim pjesë në të gjitha mbledhjet e mundshme të bullgarëve këtu, ndërsa unë jam përgjegjës për pajisjet e zërit. Në Zvicër ka gjithashtu një grup për valle popullore, i quajtur "Lludi Mladi" (Të rinj të çmendur) – sa të rinj janë nuk e di, por që janë të çmendur, kjo është e vërtetë! Edhe ata organizojnë takime të mrekullueshme," – thotë me një buzëqeshje Ivan Dimov.

Pavarësisht me çfarë merret, për Ivanin muzika mbetet ajo dashuri pa të cilën nuk mund të jetojë. Vendi i tij i preferuar në shtëpi është studioja e pajisur prej tij.

I lindur në Burgas, muzikanti ka luajtur në instrumentin e tij të preferuar – bateri, që nga mosha 9-vjeçare. Talenti i tij përcaktoi që pas Shkollës së Muzikës në qytetin bregdetar të vazhdonte studimet në Akademinë e Muzikës në Sofje, nën drejtimin e profesoreshës Tatjana Kërparova. Më pas ai u transferua në Turqinë fqinje, ku në qytetin e Izmirit, ashtu si mësuesja e tij, nga viti 1997 deri në 1999, Ivan Dimov dha mësim për instrumentet e goditjes. Menjëherë pas kthimit në atdhe, filloi periudha e tij aktive si baterist në grupe të njohura pop në vend.
Me Marian në Zvicër
"Në "Mastillo" unë isha ai që, së bashku me Viktorija Terzijskën (vokal), e shtynim grupin drejt muzikës pop, sepse dy anëtarët e tjerë të bandës mendonin se ajo duhet të kishte një tingull më të fortë. Ishte një periudhë e bukur me ta, por në një moment ata vendosën të nënshkruanin një kontratë me një kompani të madhe muzikore vendase. Kur e lexova, kuptova se nuk mund ta nënshkruaja, sepse kjo do të nënkuptonte fundin e karrierës sime në ekonomi, me të cilën tashmë merresha. Me grupin vendosëm të ndaheshim dhe ata morën një baterist të ri.”
Me Margarita Hranovën nga koncerti në Sofia Live Club
Aventura e tij me grupin e radhës – "Mary Boys Band", fillon menjëherë pas kësaj – ai merr një telefonatë nga Maria Mutafçieva (frontmenia e bendit), me të cilën njiheshin që nga qyteti i tyre i lindjes, Burgas. "Gjërat më të mira në këtë grup janë marrëdhëniet tepër të mira mes njerëzve, dhe për mua është një kënaqësi e vërtetë të luaj me ta," – pranon Ivani, duke kujtuar të kaluarën:


"U mblodhëm, luajtëm, na pëlqeu njëri-tjetri dhe vendosëm të vazhdonim së bashku. Kjo ndodhi pothuajse 20 vjet më parë. Videoklipi i këngës ‘Rruga e gjatë për në shtëpi’ është i pari ku kam marrë pjesë. Të gjitha pjesët e baterive në këtë album janë regjistruar nga unë. Më dhanë gjithashtu mundësinë të bëja aranzhimin e njërës prej këngëve, gjë që e bëri atë shumë ndryshe nga të tjerat në album. Bëhet fjalë për këngën ‘Deri kur’, e cila mbeti e vetmja pa videoklip zyrtar," – kujton Ivani dhe shton me buzëqeshje:

" Ndoshta arsyeja jam unë, pasi jam një adhurues i madh i xhazit, gjë që më provokoi ta bëja atë të tingëllojë më funky.”
Marija Mutafçieva - 30 vjet në skenë (10.02.2023)
Foto: arkiva personale, Facebook / Ivan Dimov, Lilija Jotova
Përgatiti në shqip dh publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Kur pushka shndërrohet në flaut – Konstantin Zllatev dhe arti me mesazh për paqe

Para 27 vitesh, pasiguria në të cilën ndodhej vendi ynë, por edhe pasioni për ngjitje, e bëri bashkatdhetarin tonë, Konstantin Zllatev, të marrë çantën mbi supe dhe me rreth 3000 dollarë të niset drejt një ëndrre – të ngjisë ndonjë prej majave..

botuar më 25-03-16 10.05.PD

Iva Jordanova - udhëtimi i jashtëzakonshëm i një gruaje bullgare

Në Ditën Ndërkombëtare të Gruas, ju prezantojmë me atë - një grua bullgare me një arsimim, aktivitet social dhe politik mbresëlënës, e cila ndërton jetën e saj midis Evropës dhe SHBA-së për 20 vitet e fundit, dhe vetëm një muaj më parë në Nju Jork ajo u..

botuar më 25-03-08 8.30.PD
Felix Kanitz(1829-1904)

Felix Kanitz – hartograf i Luftës Çlirimtare Bullgare

Një hartë gjeografike ndihmoi në lindjen e Bullgarisë moderne gjatë Luftës Ruso-Turke të v. 1877-78 Austro-hungarezi Felix Kanitz (1829 – 1904) ishte i pari europianoperëndimor që vizitoi mbi 3200 fshatra dhe qytete bullgare. Përgjatë rrugëve dhe..

botuar më 25-03-03 7.25.PD