Presidenti i Bullgarisë Rumen Radev dhe Mbreti i Jordanisë Abdullah II po presin takimin e nivelit të lartë “Procesi Akaba” me fokus Ballkanin, në të cilin marrin pjesë afro 30 delegacione të kryesuara nga krerë shtetesh, përfaqësues të qeverive, organizatave ndërqeveritare dhe joqeveritare dhe krerë të misioneve diplomatike në vendin tonë. Forumi u kushtohet çështjeve aktuale që lidhen me terrorizmin, migrimin ilegal dhe radikalizimin.
Presidenti bullgar dhe Mbreti Abdullah II i Jordanisë mirëpritën në forum Kryetaren e Presidencës së Bosnje dhe Hercegovinës Zhelka Cvijanoviç, Presidenten e Republikës së Maqedonisë së Veriut Gordana Siljanovska-Davkova, Presidentin e Malit të Zi Jakov Milatovic, Presidenten e Sllovenisë Natasha Pirc Musar, Presidentin e Shqipërisë Bajram Begaj, Presidenten e Kosovës Vjosa Osmani, Presidentin e Kroacisë Zoran Millanoviç, Presidentin e Serbisë, Aleksandër Vuçç dhe Ministri i Brendshëm i Belgjikës Bernard Kuintin.
“Sfida e madhe jo vetëm për Ballkanin dhe Evropën, por edhe për botën sot, është të çlirohemi nga vetë-mashtrimi se është e mundur të garantohet paqe dhe siguri vetëm për një vend dhe rajon të caktuar ose në kurriz të dikujt tjetër. Sot, kur siguria po bëhet një sfidë e përditshme, është veçanërisht e rëndësishme që liderët shtetërorë të shkëmbejnë mendime dhe së bashku të kërkojnë mënyra për ta forcuar atë”, tha presidenti Rumen Radev para fillimit të takimit.
Vetëm 2 kilometra kanë mbetur për t’u ndërtuar në anën bullgare të korridorit hekurudhor, i njohur si Korridori Nr. 8, i cili do të lidhë Detin Adriatik me Detin e Zi përmes Shqipërisë, Maqedonisë së Veriut dhe Bullgarisë. Këtë e njoftoi Sekretari i..
Ljupço Georgievski, kryetar i Klubit Kulturor "Ivan Mihajllov" në Manastir, i ndaluar nga autoritetet maqedonase, do të dalë në gjyq më 21 maj në orën 10:30 të mëngjesit. Ai akuzohet për citimin e kujtimeve të Ivan Mihajllov në Facebook duke përdorur..
Turqia ishte mikpritëse e negociatave të drejtpërdrejta mes Rusisë dhe Ukrainës Përpjekjet diplomatike turke bashkuan delegacionet e Rusisë dhe Ukrainës në Stamboll më 16 maj për herë të dytë që nga fillimi i luftës,..