Shoqata civile "Engjëjt në rrugë" organizoi një protestë para Gjykatës në Sofje kundër aksidenteve rrugore që morën qindra jetë. Procesioni kaloi pranë Ministrisë së Drejtësisë, ku protestuesit biseduan me ministrin e drejtësisë Georgi Georgiev për ndryshime legjislative për kufizimin e incidenteve tragjike me viktima njerëzore. Prindërit e fëmijëve të vdekur kërkuan dënime të rrepta për shkaktuesit e aksidenteve tragjike dhe masa adekuate për parandalimin e tyre. Kortezhi i heshtur i “Engjëjve në rrugë” vazhdoi drejt Kuvendit Kombëtar dhe do të përfundojë para agjencisë “Infrastruktura Rrugore”, ku do të kërkojnë dorëheqjen e menaxhmentit të agjencisë.

Rasti tragjik në rrethin e Plevenit, ku 12-vjeçarja Sijana humbi jetën në një aksident të dhunshëm, edhe një herë tregon mungesën e politikës shtetërore si në aspektin e sigurisë rrugore ashtu edhe në infrastrukturë, theksoi për BNR Petja Ivanova nga "Engjëjt në rrugë".