Ndeshja nuk duhet të jetë një fushë beteje, por një vend ku mund ta çoni fëmijën tuaj - ky motiv bashkoi organizatorët e fushatës "Në ndeshje me një luleshqerrë". Fushata do të zhvillohet në kuadrin e katër ditëve - nga 11 deri më 14 prill dhe do të përfshijë 8 ndeshje ku do të marrin pjesë 16 ekipe në raundin e 29-të, i parafundit për ligën tonë të futbollit profesionist.

Pjesëmarrja në një ndeshje futbolli është një nga mundësitë që fëmijët të ndajnë kohën e lirë me prindërit e tyre, mundësi kjo që bullgarët nuk mund ta shfrytëzojnë për shkak të trazirave që zakonisht ndodhin, gjatë ose në lidhje me ndeshjet e futbollit, shpjegoi për BNR Jordan Zheçev, një nga organizatorët e fushatës.

Qëllimi është që nisma të kthehet në traditë. Pasi disa klube e mbështetën idenë, skuadra “Levski” do të shkojë në ndeshjen e tyre të ardhshme me një luleshqerrë në mëngë. Disa grupe fansash do të bëjnë koreografi të veçanta. Disa klube kanë rënë dakord të lejojnë fëmijët nën 12 vjeç të hyjnë falas në ndeshje. “Qëllimi është ndalimi i agresionit të panevojshëm rreth ndeshjeve të futbollit, sepse është i pakuptimtë”, theksoi Jana Lipovanska, një nga organizatoret.