Shoqata Bullgare për Mbrojtjen e Zogjve njoftoi në faqen e saj në Facebook për dy shkaba egjiptiane të helmuara në Rodopet Lindore. Një zog - femër, me një transmetues të bashkangjitur, vdiq në duart e Dr. Volen Arkumarev. Shkaku i vdekjes, sipas Shoqatës, ishin karremat helmuese të vendosura në natyrë. Shkaba tjetër u gjet në gjendje të rëndë nga Nikollaj Terziev dhe qeni Bars, të cilët janë pjesë e ekipit të kontrollit të helmeve të një organizate joqeveritare. Po bëhet gjithçka për ta shpëtuar. Policia nisi hetimet.

Në fillim të marsit të këtij viti në një kullotë të rrethuar me një gardh elektrik, në tokën e fshatit Moshtanec të komunës së Bllagoevgradit, u gjetën katër shkaba të helmuara - dy prej tyre të vdekur dhe dy të shpëtuar më pas.

Lexoni më shumë nga arkivi ynë:

• Një projekt bullgaro-grek në mbrojtje të shkabës egjiptiane