Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dr. Spas Tashev prezanton një hulumtim të ri mbi diasporat bullgare në Shqipëri dhe Kosovë

Dr. Spas Tashev
Foto: BTA

Proceset socio-politike në komunitetet bullgare në Shqipëri dhe Kosovë nga fillimi i shekullit të XIX-të deri në ditët e sotme dhe ndikimi që ato kanë në zhvillimin demografik dhe shpërndarjen territoriale të bashkatdhetarëve tanë në këto troje - kjo është ajo që studiuesi i Akademisë Bullgare të Shkencave, Dr. Spas Tashev, gjurmon në veprën e tij të fundit shkencore. Një theks i veçantë i vihet periudhës së viteve 1944-1990, e cila deri më tani nuk është studiuar fare në shkencën bullgare, mësojmë nga njoftimi për shtyp i Agjencisë Ekzekutive për Bullgarët Jashtë Vendit, e cila organizoi shtypjen dhe prezantimin e librit. Përfaqësues të këtyre komuniteteve, si dhe studentë nga rrethet e tyre që mësojnë në universitetet bullgare sipas Dekretit të Këshillit të Ministrave 103, dhe studiues, janë të ftuar të marrin pjesë në premierën e librit "Komunitetet Bullgare në Shqipëri dhe Kosovë. Proceset socio-politike dhe pasojat demografike (1913-2024)". Në këtë aktivitet pritet të marrë pjesë edhe nënresidentja Ilijana Jotova.

„Më 23 prill, në Qendrën Kulturore Bullgare në rrugën Veslec nr. 13, do të prezantohet zyrtarisht vepra e Dr. Spas Tashev, pasi libri është pjesë e programit botues të Agjencisë - saktëson Lili Spasova, eksperte kryesore në Agjencinë Ekzekutive për Bullgarët Jashtë Vendit. – Vetë Spas Tashev e përcakton veprën e tij si të dedikuar për politikanë, diplomatë dhe burrështetas, por sipas mendimit tim libri do të ishte interesant dhe i dobishëm për këdo që dëshiron të mësojë më shumë rreth kësaj bashkësie historike në Shqipëri dhe Kosovë. Përmban shumë dokumente të botuara dhe statistika interesante, duke përfshirë deri në vitin 2023. Është shkruar në një mënyrë jashtëzakonisht interesante, madje edhe për një jo-historian si unë."

Dr. Spas Tashev është specialist në çështjet e migracionit dhe bullgarëve jashtë vendit. Ai u diplomua në Institutin Diplomatik të Ministrisë së Punëve të Jashtme, në Universitetin e Ekonomisë Kombëtare dhe Botërore dhe në Universitetin Trak. Ai është themeluesi dhe drejtor i parë i Qendrës Kulturore dhe Informative të Republikës së Bullgarisë në Shkup. Në periudhën e viteve 1998-2002 ishte zëvendëskryetar i Agjencisë Shtetërore për Bullgarët Jashtë Vendit. Ai ka doktoraturë në statistikë dhe demografi nga Akademia Bullgare e Shkencave dhe është lektor në Universitetin Jugperëndimor "Neofit Rillski" në Bllagoevgrad.

Më shumë mbi temën mund të lexoni në arkivin e Radio Bullgarisë:

Redaktore: Elena Karkallanova

Përgatiti në shqip dhe publikoi: Svetllana Dimitrova

Foto: IABÇ, BTA



Последвайте ни и в Google News Showcase, за да научите най-важното от деня!

Më shumë nga rubrika

Bullgaria po përgatit një prezantim të madh në panairin turistik në Londër

Ministria e Turizmit për vitin e radhës organizon prezantimin kombëtar në panairin ndërkombëtar të turizmit World Travel Market në Londër. Gjatë edicionit të 45-të të ngjarjes, nga 4 deri më 6 nëntor të këtij viti, Bullgaria do të paraqitet me një stendë..

botuar më 25-08-02 9.00.PD

Për herën e njëqindtë – ngjitje festive në majën më të lartë të Ballkanit

Këtë vit shënohet pikërisht një shekull nga kremtimi i parë i Festës së Malit Rilla. Prej saj burojnë disa nga lumenjtë më të gjatë dhe me më shumë ujë të Gadishullit Ballkanik – Marica, Iskër dhe Mesta. Në territorin e saj ndodhen mbi 120 liqene..

botuar më 25-08-02 8.00.PD

Nxënësit bullgarë arritën një nga paraqitjet më të mira të vendit në iGeo

Nxënësit më të mirë bullgarë të gjeografisë fituan 4 medalje në garën më prestigjioze botërore të gjeografisë. Në Olimpiadën e 21-të Ndërkombëtare të Gjeografisë iGeo, nxënësit e shkollave të mesme fituan 3 medalje argjendi dhe 1 bronzi, duke e bërë..

botuar më 25-08-01 1.18.MD