Komisioni Evropian njoftoi se Bullgaria ka kërkuar që të rishikohet Plani Kombëtar i Rimëkëmbjes dhe Qëndrueshmërisë. Komisioni do të shqyrtojë kërkesën e paraqitur nga vendi ynë më 16 prill dhe do ta dërgojë për vlerësim në Këshillin e BE-së.

Ndër kërkesat për ndryshim të Planit tonë Kombëtar është heqja e angazhimit të vendit tonë për liberalizimin e tregut të energjisë elektrike shtëpiake nga 1 korriku. Në një konferencë pas dorëzimit të kërkesës, zëvendëskryeministri Tomisllav Donçev theksoi se një reformë e tillë mund të ndërmerret vetëm pasi të futen mekanizmat adekuat për mbrojtjen e konsumatorëve bullgarë. Bullgaria dëshiron gjithashtu të hiqet detyrimi për ndalimin e prodhimit të energjisë elektrike me qymyr nga viti 2038 dhe të mbetet vetëm angazhimi për një kufi total vjetor të emetimeve të karbonit.

Lexoni më shumë nga arkivi ynë:

• Bullgaria ka kërkuar të tërheqë kërkesën e saj në KE për pagesën e këstit të dytë në kuadër të Planit të Rimëkëmbjes dhe Qëndrueshmërisë