Mish në hell dhe gajde në zemër të Rodopeve – Zllatograd me një festë të shijshme

botuar më 25-05-03 10.00.PD

Foto: BTA - arkiva

Rreth 100 qingja në hell do të përgatiten për festën në Zllatograd gjatë festivalit tradicional të mbushur me muzikë dhe kostume popullore, kushtuar specialitetit të rodopeve. Mijëra mysafirë dhe turistë priten në qytetin piktoresk malor më 3 dhe 4 maj për të marrë pjesë në këtë festë shumëngjyrëshe, njoftoi administrata bashkiake.

Mjeshtëria e përgatitjes së mishit në hell të Zllatogradit do të demonstrohet përpara vizitorëve në parkun e qytetit. Festa do të hapet me performancën e orkestrës “101 Kaba Gajde” dhe koncertin e ansamblit “Rodopa”. Do të ketë edhe koncerte me pjesëmarrjen e këngëtarëve të njohur të Rodopeve dhe grupeve të ftuara nga Greqia. Mysafirët do të kenë mundësinë të shijojnë edhe një sërë gatimesh tradicionale të Rodopeve.

Për festën e Zllatogradit janë rezervuar të gjitha hotelet dhe shtëpitë për mysafirë jo vetëm për këtë vit, por edhe për vitin e ardhshëm. Përveç bullgarëve, festa po bëhet gjithnjë e më e njohur edhe në mesin e grekëve. Pritet hapja e vendeve të reja për akomodim në qytet, tha për BNR-Kërxhali kryetari i bashkisë, Mirosllav Jançev.

Lexoni më tepër:

Zllatograd – nga këtu fillon Bullgaria

Përpiloi: Veneta Nikollova

Foto: BTA - arkiva

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Mish në hell dhe gajde në zemër të Rodopeve – Zllatograd me një festë të shijshme

Më shumë nga rubrika

Sofja rekomandohet si destinacioni më i mirë evropian për turizmin pranveror

Muzeu në Strellça prezanton ekspozitën "Pashkët e bukura, Dita e Shën Gjergjit edhe më e bukur"

Burgas pret një konkurs botëror për verërat Sauvignon