Për Bullgarinë, paqëndrueshmëria globale e bën ambicien e kahershme për t'u bashkuar me eurozonën më të rëndësishme - dhe më urgjente - se kurrë. Këtë e deklaroi në Londër guvernatori i Bankës Kombëtare Bullgare, Dimitër Radev, në forumin e fondit të pavarur bankar OMFIF. “Pranimi i euros do të ketë 5 grupe pasojash. Ai do ta ankorojë politikën monetare të Bullgarisë brenda kuadrit të Bankës Qendrore Evropiane dhe do të sigurojë besueshmëri, stabilitet dhe parashikueshmëri. Pranimi i euros do të zvogëlojë rrezikun e monedhës dhe do ta mbrojë ekonominë nga presioni spekulativ. Do të rrisë besimin e investitorëve dhe do të thellojë integrimin financiar. Do të ofrojë akses në mekanizmat e eurozonës, siç është Mekanizmi Evropian i Stabilitetit. Në një botë ku paqëndrueshmëria e politikave është strukturore, anëtarësimi në eurozonë do të forcojë qëndrueshmërinë strategjike të Bullgarisë përmes konsolidimit institucional dhe mjeteve të besueshme të reagimit ndaj krizave”, theksoi kreu i bankës kombëtare.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: OMFIF
Sipas Institutit për Ekonominë e Tregut, sot është e ashtuquajtura Dita e Lirisë Tatimore, informon gazetarja e BNR-së, Natalija Gançovska. Kjo do të thotë që taksapaguesit kanë mbuluar të gjitha kostot e taksave dhe sigurimeve shoqërore dhe po..
Këshilli Ekonomik dhe Social këmbëngul në krijimin e një Observatori për Varfërinë Energjetike dhe një Sistemi Informacioni për Familjet në Vulnerabilitet, njofton BTA.Gjithashtu, nevojitet një strategji kombëtare, duke përfshirë një sërë masash për..
Në një takim me Drejtoreshën Menaxhuese të Fondit Monetar Ndërkombëtar Kristalina Georgieva, Kryeministri Rosen Zheljazkov theksoi se vendi është në prag të pranimit të euros dhe se përpara është një faqe e re për ekonominë bullgare. Ai është..
Mot i kthjellët