Vetëm 2 kilometra kanë mbetur për t’u ndërtuar në anën bullgare të korridorit hekurudhor, i njohur si Korridori Nr. 8, i cili do të lidhë Detin Adriatik me Detin e Zi përmes Shqipërisë, Maqedonisë së Veriut dhe Bullgarisë. Këtë e njoftoi Sekretari i Përhershëm i Ministrisë së Punëve të Jashtme, Ivan Kondov, në Sofje në një konferencë kushtuar politikës së jashtme, mbrojtjes dhe industrisë mbrojtëse.

"Nga ana jonë, kanë mbetur rreth 2 kilometra që mund të ndërtohen shumë shpejt. ... Në të njëjtën kohë kemi 23 kilometra shumë të vështirë që janë në anën e Maqedonisë së Veriut dhe nuk janë aspak gati. Këtu, sipas mendimit tim, përballemi me një ngurrim të fortë të një shteti anëtar të NATO-s për të bërë diçka që është në interes të NATO-s", komentoi Kondov.

Informacioni vjen nga reporteri i Radios Kombëtare Bullgare, Dobromir Videv.

Lexoni më tepër nga arkivi i Radio Bullgarisë:

• Po vazhdon debati midis Sofjes dhe Shkupit se kush po ndërton dhe kush nuk po ndërton Korridorin Nr. 8

• Linja hekurudhore për në Bullgari është e padëshiruar nga autoritetet e reja në Shkup

• Shkupi kërkon që BE të bojkotojë korridorin e transportit Nr. 8 për në Bullgari

• Për Sofjen dhe Tiranën, Korridori Nr. 8 mbetet një objektiv i përbashkët strategjik

Përgatiti në shqip dhe publikoi: Vesella Mançeva

Foto: BGNES