Bullgaria vazhdon të insistojë për 5 pikë për kalimin e Danubit. Këtë e deklaroi Zëvendëskryeministri dhe Ministri i Transportit Grozdan Karaxhov para komisionit përkatës parlamentar në përgjigje të një pyetjeje parlamentare. Ai u pyet nëse pret që politika për lidhjen e transportit me Rumaninë të ndryshojë pas zgjedhjeve presidenciale atje?

Sipas Karaxhovit, lumi Danub është bërë një pengesë transporti për shkak të politikës së palës rumune për të penguar dhe moslejuar ndërtimin e urave të reja.

"Ne do të luftojmë për pika të reja përtej lumit Danub", tha Karaxhov. Ai shpjegoi se një takim midis Bullgarisë, Greqisë dhe Rumanisë u ra dakord për në fillim të qershorit për të lehtësuar trafikun përtej lumit, por pala rumune në fund e refuzoi ftesën. "Ashtu si ju, edhe unë pres me shpresë një ndryshim në politikën rumune pas zgjedhjeve atje", shtoi Karaxhov.

Ministri shpjegoi gjithashtu se shteti po kërkon të tërheqë investitorë privatë për të zgjeruar portet e Detit të Zi në Varna dhe Burgas.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA