Në Sofje u hap Takimi i 20-të Botëror i Mediave Bullgare, i organizuar nga Agjencia Telegrafike Bullgare. Ai zhvillohet nën moton "Media dhe Dituria" dhe bashkon përfaqësues të 34 mediave nga 25 vende.
Në hapje, Drejtori i Përgjithshëm i Agjencisë Telegrafike Bullgare (BTA), Kirill Vëllçev, ngriti çështjen e nevojës që Bullgaria të ofrojë urgjentisht një program për mbështetje sistematike për mediat bullgare jashtë vendit, siç e zbaton me sukses për shkollat. Ai kujtoi se gazetarët mbartin njohuritë e sotme, ashtu si mësuesit përcjellin njohuritë e djeshme.
"Shpresoj që takimi i këtij viti i mediave bullgare do të bëhet një shembull se si çdo bullgar, kudo që të jetë në botë, është i rëndësishëm për vendin dhe shoqërinë tonë", shkroi Kryeministri Rosen Zheljazkov në përshëndetjen e tij për pjesëmarrësit.
Në fjalimin e tij, Drejtori i Përgjithshëm i Radios Kombëtare Bullgare, Milen Mitev, theksoi rolin e Radio Bullgarisë, e cila mban një lidhje të gjallë me bullgarët jashtë shtetit. Ai përmendi edhe podkastin “Ura e Besimit”, i cili prezanton bashkësitë e Kishës Ortodokse Bullgare jashtë vendit, të cilin Radio Bullgaria e krijon në bashkëpunim me Dioqezën Ortodokse Bullgare të Evropës Perëndimore dhe Qendrore dhe “Gazeta e Kishës”, organi zyrtar i shtypur i Kishës Ortodokse Bullgare, njoftoi reporteri i Radio Bullgarisë, Joan Kolev.
Kryeredaktorja e revistës bullgaro-hungareze për kulturën dhe jetën publike "Hemus" Svetlla Kjoseva theksoi në fjalën e saj përfitimet e takimeve të tilla, të cilat jo vetëm bashkojnë mediat bullgare të shpërndara në të gjithë botën, por edhe lehtësojnë kontaktet e tyre me institucionet bullgare, njoftoi BTA.
Në hapjen e forumit mori pjesë edhe Simeon Sakskoburggotski, i cili 20 vjet më parë, në cilësinë e Kryeministrit të Bullgarisë, iu drejtua pjesëmarrësve në Takimin e Parë Botëror të Mediave Bullgare në Sofje më 23 maj 2005.
Tradicionalisht, gjatë takimit do të ndahet çmimi i Fondit Kombëtar të Fondacionit "13 Shekuj të Bullgarisë" për kontribut në përhapjen e kulturës bullgare nga mediat në gjuhën bullgare jashtë vendit.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto:BTA
Ministri i turizmit Mirosllav Borsos zhvilloi një takim pune me homologun e tij kroat Tonçi Glavina në Zagreb këtë javë, njoftoi Ministria e Turizmit. Fokusi i bisedimeve ishte në përfitimet e adoptimit të euros për një nga sektorët më të rëndësishëm..
Kryeministri Rosen Zheljazkov u takua në Romë me Kancelarin e Madh të Urdhrit të Maltës, Rikardo Paterno di Montekupo. Kryeministri theksoi se Bullgaria vlerëson aktivitetet fisnike dhe humanitare të Urdhrit, të cilat janë në përputhje me vlerat tona..
Ministria e Shëndetësisë po përgatit një program për testimin në shtëpi të kancerit të zorrës së trashë dhe qafës së mitrës. Testet do të jenë falas dhe do të shpërndahen nga mjekët e përgjithshëm dhe inspektoratet rajonale shëndetësore, njoftoi..
Me rastin e Ditës Ndërkombëtare të Fëmijëve - 1 qershor, Hekurudhat Shtetërore Bullgare organizojnë një udhëtim tërheqës retro nga Sofja deri në Pernik..
Një pullë postare me rastin e 24 majit - Ditës së Vëllezërve të Shenjtë Kirill dhe Metodij, të Alfabetit, Arsimit dhe Kulturës Bullgare dhe të Shkrimit..
Rituali i mbledhjes së trëndafilave ka filluar në kopshtet e trëndafilave pranë Kazanllëkut (Bullgaria Qendrore), njoftoi bashkia. Dhjetëra të ftuar u..
Reshje të shkurta
Vranësira të dendura me shi
Reshje