"Oevatjet për të më sulmuar për shkak se kam shpallur Ligjin për Vënien e Euros janë manipulime të sheshta, sepse nuk ka absolutisht asnjë datë në këtë ligj, ka kushte dhe procedura."Këtë e deklaroi Presidenti Rumen Radev para gazetarëve në Bellogradçik, ku mori pjesë në festimin zyrtar të 175-vjetorit të kryengritjes kundër sundimit osman në Bullgarinë Veriperëndimore. Rumen Radev u shpall për një referendum në të cilin qytetarët do të thoshin nëse pajtohen të miratojnë euron në vitin 2026, por kërkesa e tij nuk u vu në votim në Kuvendin Popullor dhe ai e referoi çështjen në Gjykatën Kushtetuese. Kreu i shtetit pyeti nëse dikush e dinte një vit më parë se qeveria do të kërkonte një raport të jashtëzakonshëm konvergjence pa zhvilluar një fushatë të vërtetë informimi, pa kryer një vlerësim të vërtetë të rrezikut, pa masa, pa gatishmërinë e autoriteteve, pa procedura dhe pa rezerva financiare. Ai shtoi se autoritetet refuzojnë të dëgjojnë zërin e popullit dhe kanë frikë të konsultohen me popullin. “Përpjekjet e Borisovit, Peevskit dhe qeverisë së tyre për të na sugjeruar se inflacioni është nën pragun e kërkuar, për ta paraqitur procesin e vënies së euros në shfrytëzim si një proces në të cilin populli nuk ka zë, është arrogancë demonstrative dhe ata duhet të jenë të vetëdijshëm për pasojat e sjelljes së tyre”, komentoi kreu i shtetit.

Lexoni më shumë mbi temën në publikimet e mëposhtme: 

• Deputetët hodhën poshtë një propozim tjetër për të thirrur një referendum për euron

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: Facebook / Rumen Radev