Në prag të 1 Qershorit - Ditës së Fëmijëve, UNICEF dhe Instituti Kombëtar i Statistikave prezantojnë "Fëmijët në Bullgari: Të dhëna dhe tendenca kryesore për vitin 2024", një përmbledhje e treguesve demografikë, shëndetësorë, arsimorë dhe socio-ekonomikë.

Në vendin tonë jetojnë 1.1 milion fëmijë, informon UNICEF Bullgaria. Ndër tendencat pozitive, spikat rënia e vazhdueshme e vdekshmërisë foshnjore - nga 7.6‰ në vitin 2014 në 4.5‰ vitin e kaluar, si dhe fakti që mbulimi i imunizimeve është rritur pas vitit 2022 dhe mbi 90% e fëmijëve marrin vaksinat e detyrueshme. Pavarësisht këtyre lajmeve pozitive, sfidat me të cilat përballet mirëqenia e fëmijëve në vendin tonë mbeten serioze. Gjatë 5 viteve të fundit, nuk ka pasur pothuajse asnjë ndryshim në numrin e fëmijëve të regjistruar në dhomat pedagogjike të fëmijëve - nga 8899 në vitin 2020 në 8430 në vitin 2024.

Në raportin global të UNICEF-it të publikuar së fundmi "Mirëqenia e fëmijëve në një botë të paparashikueshme", i cili analizon situatën e fëmijëve në vendet me të ardhura më të larta, Bullgaria renditet e 28-ta nga 36 vende sipas 6 treguesve kryesorë. Ka një përkeqësim të kënaqësisë me jetën tek fëmijët, një rritje të rasteve të mbipeshës dhe një rënie të aftësive të tyre akademike krahasuar me vitin 2018. Mungesa e komunikimit cilësor midis prindërve dhe adoleshentëve është gjithashtu shqetësuese - vetëm 64% e tyre thonë se flasin me prindërit e tyre të paktën një herë në javë.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: UNICEF - Bullgaria