Në Sofje një forum bullgaro-gjerman po diskuton mundësinë e investimeve në mbrojtje, njoftoi gazetari i BNR-së Dobromir Videv. Kompanitë gjermane nga sektori i sigurisë dhe mbrojtjes po prezantojnë produktet dhe teknologjitë e tyre me qëllim krijimin e kontakteve, si dhe thellimin e marrëdhënieve ekzistuese tregtare dhe partneriteti me bizneset bullgare, njoftoi BTA. "Gjermania është një investitor kryesor në Bullgari dhe partneri i saj tregtar numër një", u tha pjesëmarrësve presidenti Rumen Radev. Ai theksoi rëndësinë e investimeve gjermane në sektorin civil dhe shprehu shpresën se bashkëpunimi do të transferohet edhe në sektorin ushtarak. Bullgaria është pjesë e iniciativës për blerjen e përbashkët të sistemeve anti-raketore IRIS-T. "Përveç blerjes, po flasim edhe për bashkëpunimin industrial mbi këtë temë", tha Radev. Në forumit u vu në dukje, se Gjermania dhe Bullgaria po bashkëpunojnë gjithashtu në ndërtimin e dy anijeve të reja për Marinën Bullgare. “Rheinmetall”, nga ana tjetër, ofroi të investojë në ndërtimin e një fabrike baruti në Bullgari.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..