Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Toka Shitet" në Sofje: Një Performancë Unike nga Idriz Ameti

Artisti që bashkon kulturat ballkanike

Idriz Ameti
Foto: Sindi Nikollofski



Më 6 qershor 2025, në një nga baret e Sofjes, publiku bullgar pati rastin të ndjekë një performancë të veçantë nga këngëtari shqiptar Idriz Ameti, artist me rrënjë në Maqedoninë e Veriut dhe një histori të pasur kulturore. Ai erdhi në kryeqytetin bullgar me projektin e tij solo “Toka Shitet”, duke sjellë një atmosferë të ngrohtë, autentike dhe të mbushur me tinguj tradicionalë.

“Jam shumë i emocionuar. Me grupin ‘Blla Blla Blla’ jam në skenë prej 30 vitesh, por ky projekt është krejt tjetër. Jam vetë në skenë, me sharkinë në dorë dhe kjo është një përvojë e re për mua,” shprehet artisti, pak para se të ngjitej në skenën e Sofjes.

Idriz Ameti dhe Sindi Nikollofski nga Redaksia e gjuhës shqipe ne BNR

Ameti njihet për stilin e tij të veçantë muzikor, i cili frymëzohet nga udhëtimet dhe përvojat personale. “Udhëtimet bëjnë ekperienca të reja, dhe unë gjithë kohën jam në lëvizje, dhe kërkoj inspirim, frymëzim për atë që e ndjej, e nxjer prej vetes, dhe cdo herë kur udhëtoj diku dhe kthehem, unë jam i frymëzuar dhe pothuajse cdo herë del nga një këngë e bukur.”

Projekti “Toka Shitet” përfaqëson një kthesë në krijimtarinë e tij, një hap i guximshëm drejt vetë-shprehjes përtej skenës kolektive.

“Unë jam pjesë e grupit “Blla Blla Blla” mirëpo ka kohë që kam dashur të bëj dicka vetë, solo, që nuk do të jetë e njëjtë ose e ngjashme me ato që bëjmë me grupin, dhe pata dëshirë ta bëja atë dhe e bëra. E morra instrumentin “kombëtar”, sharkijen dhe provova të nxjerr dicka prej vetes që prej kohësh është duke më zier në mendje dhe doli, doli kënga, doli energjia pozitive e dolën shumë gjëra që me fjalë nuk kam si ti them, dhe thashë, po, kjo është ajo, dhe do të vazhdojë. Sa do të zgjasë nuk e di.”



Edhe pse nuk është hera e parë që vjen në Bullgari, lidhjet me vendin tonë mbeten të kufizuara për shkak të kohës së shkurtër që kalon këtu. Megjithatë, përshtypjet janë pozitive:

“Kur vi, vi vetëm për koncert dhe shumë pak shoqërohem për shkak se të nesërmen kthehem. Mirëpo në përgjithësi, mendoj se bullgarët janë njerëz shumë të butë dhe të mirë. Aq mund të them. Si njoh shumë që të mund të them janë ashtu apo kështu. Momenti i pare që jam takuar në Bullgari me njerëzit, kanë qenë shumë të mirë dhe të butë.”



Ameti është optimist për të ardhmen e bashkëpunimeve kulturore në rajon. Sipas tij, ka ende shumë hapësirë për shkëmbime më të shpeshta mes artistëve nga Shqipëria, Kosova, Maqedonia e Veriut dhe Bullgaria. 

“Ka përherë mundësi për më shumë dhe më mirë.  Mes Maqedonisë dhe Bullgarisë marrëdhëniet janë pak më të shpeshta për shkak se jemi fqinjë, jemi shumë afër. Mirëpo me Shqipërinë dhe me Kosovën janë pak … më të ftohta nuk do të thoja, por pak më të rralla.”



Krijimtaria e tij artistike nuk ndalet me një koncert. Aktualisht ai është i përqendruar në incizimin e albumit të dytë, ndërsa planifikon edhe një sërë koncertesh në kryeqytetet ballkanike. 

“Besoj dhe shpresoj se do të kemi bashkëpunime ballkanike, pa marrë parasysh bullgarë, serbë, malazez apo shqiptarë nga Shqipëria. Unë dua të bashkëpunoj dhe me gjithë kënaqësinë bashkëpunoj. Kam kolegë nga këto troje, që pothuajse cdo ditë dëgjohemi dhe shkëmbejmë eksperiencat dhe besoj se do të ndodhë ndonjë bashkëpunim, shumë shpejt.”



Për të rinjtë që janë në hapat e parë si artistë, Idriz Ameti ka një mesazh të thjeshtë, por të fuqishëm: “Të qëndrojnë, të qëndrojnë e mos dorëzohen. Nëse mendojnë se kanë sado pak talent, për atë që duan të bëjnë, mos të dorëzohen, se vetë ekperienca dalëngadalë, e gjitha vjen me kohë. Dorëzimi është mënyra më e keqe, si tek artisti ashtu edhe tek sportisti, tek cfarëdo lloj arti. Nëse dëshpërohesh është problem shumë i madh. Duhet të qëndrojnë dhe të punojnë shumë.”

Dhe mbi të gjitha, një këshillë për publikun: “Dëgjoni muzikë të mirë, shkoni në koncerte. Sepse vetëm me eksperiencë mundesh ta bësh shijen për muzikë të mirë. ”

Foto: Sindi Nikollofski, Facebook - Idriz Ameti


Последвайте ни и в Google News Showcase, за да научите най-важното от деня!

Më shumë nga rubrika

Falenderime për Donvena Pandurskin, në Gjermani shqiptojnë shumë mirë emrin Stara Zagora

Donvena Pandurski – mjeshtre baleti bullgare me një karrierë të lakmueshme evropiane, ka përfunduar Shkollën Shtetërore të Koreografisë në Sofje në fund të viteve ’70 të shekullit XX dhe është emëruar në Operën e Sofjes. Në vitin 1988 diplomohet në..

botuar më 25-06-11 7.00.MD
Foto: Karlovy Vary International Film Festival

Bullgaria është bashkëprodhuese në dy nga titujt e filmave në Festivalin e Filmit në Karlovy Vary

Nga data 4 deri më 12 korrik, në qytetin çek Karlovy Vary do të mbahet edicioni i 59-të i festivalit ndërkombëtar të filmit. 9 nga gjithsej 11 titujt në garën për çmimin “Globusi i Kristaltë” janë premiera botërore. Vendi ynë përfaqësohet atje me dy..

botuar më 25-06-08 7.00.PD

Regjisori slloven do të vërë në skenë “Fizika e trishtimit” në Teatrin Popullor në Sofje

Një nga titujt, që do të jetë pjesë e repertorit të Teatrit Popullor gjatë vitit 2026, tashmë është i njohur. Kjo është shfaqja “Fizika e trishtimit” , të cilën regjisori slloven Jernej Lorenci do ta vërë në skenën teatrore. Kjo nuk është puna e tij e..

botuar më 25-06-07 7.00.PD