Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria është afër bashkimit me programin e udhëtimit pa viza në SHBA

Foto: Daniell Mitov/Facebook

Vizita e punës e Ministrit të Brendshëm Daniell Mitov në SHBA përfundoi me takime në Departamentin e Sigurisë Kombëtare dhe në Byronë e Sigurisë Diplomatike. Delegacioni bullgar që shoqëronte ministrin përfshinte drejtorët e drejtorive kryesore "Policia Kombëtare", "Luftimi kundër Krimit të Organizuar" dhe "Policia Kufitare" - Kryekomisionerët Zahari Vaskov, Bojan Raev dhe Anton Zllatanov.

"Bullgaria është shumë afër bashkimit me programin e udhëtimit pa viza në SHBA. Ne po e bëjmë bashkimin me programin një përparësi kryesore dhe qeveria është krenare që raporton përparim të rëndësishëm", tha Mitov gjatë bisedës së tij me Nënsekretarin e Departamentit të Sigurisë Kombëtare Christopher Pratt.

Javën e ardhshme, do të fillojë një takim tjetër trepalësh midis SHBA-së, Komisionit Evropian dhe Bullgarisë, në të cilin do të diskutohen çështje teknike nga plani i punës. Vlerësimi i punës së bërë nga administrata e Presidentit Donald Trump pritet në dhjetor. "Shpresoj që ky vlerësim të jetë pozitiv, në mënyrë që të mund ta përfundojmë me sukses rrugën që nisëm së bashku shumë vite më parë", shtoi Ministri i Brendshëm.

Redaktoi: Miglena Ivanova
Përgatiti në shqip dhe publikoi: Vesella Mançeva
Foto: Daniell Mitov/Facebook


Последвайте ни и в Google News Showcase, за да научите най-важното от деня!

Më shumë nga rubrika

Bullgaria mori 438.6 milionë euro në kuadër të Mekanizmit Evropian të Rimëkëmbjes

Komisioni Evropian i ka shpërndarë Bullgarisë 438.6 milionë euro në kuadër të transhit të dytë të Mekanizmit të Rimëkëmbjes dhe Qëndrueshmërisë. Më 3 tetor 2025, Komisioni miratoi pjesërisht transhin e dytë për Bullgarinë, me kusht që vendi të..

botuar më 25-11-11 2.59.MD

Agjencia “Rezerva Shtetërore” ka plan të përgatitur, edhe në rast se rafineria në Burgas ndalon punën

Bullgaria ka sasi të mjaftueshme karburantesh, dhe rezervat 90-ditore janë siguruar në rreth 98%, deklaroi për bTV Asen Asenov, kryetar i Agjencisë Shtetërore “Rezerva Shtetërore dhe Rezervat e Luftës”.  Shteti ka rezervë benzinë për 35 ditë, ndërsa..

botuar më 25-11-11 11.38.PD

Filluan provat lundruese të anijes së re luftarake bullgare “Hrabri”

Anija e re e Forcave Detare Bul lgare, fregata “Hrabri”, u hodh në ujë në liqenin e Varnës, nga moli i kantierit detar “MTG – Delfin”. Ndërtimi i anijes modulare shumëfunksionale filloi në vitin 2022. Ajo është e para nga dy anijet që po ndërtohen në..

botuar më 25-11-11 11.22.PD