Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija Kisellova vizitoi Shqipërinë për të marrë pjesë në seancën e 12-të plenare të Asamblesë Parlamentare për Bashkëpunim në Evropën Juglindore, raporton BTA.

• Bullgaria riafirmoi mbështetjen e saj për anëtarësimin e Shqipërisë në BE

Ruajtja e vetëdijes bullgare jashtë vendit kërkon përpjekje të përditshme si nga institucionet shtetërore, ashtu edhe nga komunitetet bullgare jashtë vendit, tha Kisellova. Ajo i përgëzoi të gjithë bullgarët për kontributin e tyre personal në njohjen e pakicës bullgare në Shqipëri dhe në ruajtjen e gjuhës, kulturës dhe traditave bullgare.

Natalija Kisellova shprehu gjithashtu besimin e saj se organizatat e bullgarëve që jetojnë në Shqipëri do të ruajnë angazhimin e tyre për ruajtjen dhe transmetimin e vlerave, gjuhës, zakoneve dhe kulturës bullgare. Ajo gjithashtu u uroi bullgarëve në Shqipëri që të mos e harrojnë Bullgarinë dhe t'ia kalojnë dashurinë e tyre për atdheun e tyre historik brezave të rinj.

Kisellova dha një intervistë për Radio Televizionin Kombëtar Shqiptar. Gjëja më e mirë për rajonin e Ballkanit është që të gjitha vendet të jenë pjesë e BE-së, tha ajo, dhe theksoi se nuk ka garanci më të mirë për paqen dhe stabilitetin në rajon sesa anëtarësimi në BE dhe NATO.

Mësoni më tepër për bullgarët në Shqipëri nga arkivi ynë:

• Libër për origjinën e harruar bullgare të bashkatdhetarëve tanë nga Shqipëria dhe Kosova

Redaktoi: Ivo Ivanov

Përgatiti në shqip dhe publikoi: Vesella Mançeva