Një seri ngjarjesh që transformojnë hapësirat urbane në skena të gjalla për shprehje krijuese - ky është projekti "Lumi i Arteve", i cili zbatohet nga distrikti "Qendror" i Bashkisë së Plovdivit. 

Brenda tre ditësh - nga 13 deri më 15 qershor - arte të ndryshme pamore, valle dhe muzikë “takohen” në një vend, dhe hyrja për vizitorët është falas.

"Qëllimi ynë është ta sjellim artin më afër njerëzve, t'i provokojmë ata të marrin pjesë dhe të ndiejnë magjinë e tij. Një nga pikat kryesore të festivalit do të jetë pantomima dhe vallet për foshnje dhe fëmijë, të cilat zhvillohen në qendrën tonë kulturore prej disa vitesh", shpjegoi për Radion Kombëtare Bullgare të Plovdivit, sekretarja e qendrës kulturore "Prof. Kirill Xhhenev-2018", Petja Marinova.

Të shtunën, më 14 qershor, ngjarjet do të zhvillohen përballë Pallatit të Ujit, përgjatë lumit Marica. Më 13 dhe 15 qershor, aktivitetet do të mbahen në Kopshtin Dondukova. Në orët e mëngjesit do të ketë vallëzime për fëmijë dhe foshnje, ndërsa pasdite - punëtori dhe koncerte.

 "Ne duam të krijojmë përvoja të përbashkëta që do të forcojnë marrëdhënien midis fëmijëve dhe prindërve, përmes fuqisë së artit. Shpresojmë që "Lumi i Arteve" të bëhet një traditë që tërheq më shumë pjesëmarrës dhe audiencë çdo vit, duke e shndërruar Plovdivin në një qendër edhe më tërheqëse të kulturës", shtoi Petja Marinova.

Mund të mësoni më shumë hollësi për qytetin e Plovdivit nga arkivi ynë:

• Plovdiv – një qytet me shumë histori dhe njerëz të këndshëm

• Një rrugicë qendrore dhe një monument në Plovdiv do të ruajnë kujtimin e muzikantit legjendar të xhazit Milço Leviev

• Qyteti i dytë më i madh bullgar tërheq gjithnjë e më shumë studentë të huaj

• Plovdivi në fund të verës

• Plovdiv ka një "trashëgimi franceze" të jashtëzakonshme

• Turizmi kulturor në qytetin e Plovdivit

• Farmacia e lashtë e doktorit Antoniadi në qytetin Plovdiv

Përpiloi: Gergana Mançeva

Përgatiti në shqip dhe publikoi: Vesella Mançeva

Foto: facebook.com/RekaNaIzkustvata, facebook.com/KirilDjenev2018