Mbi 420 milionë euro u dërguan nga bullgarët që punojnë jashtë vendit tek të afërmit dhe miqtë e tyre në tremujorin e parë të vitit. Shuma është 66 milionë euro më shumë se në të njëjtën periudhë të vitit 2025. Sipas të dhënave nga Banka Kombëtare Bullgare, më shumë fonde dërgohen nga diaspora në SHBA.

Në tremujorin e parë, paratë e marra nga bullgarët në SHBA arritën në 77.6 milionë euro. Pas SHBA-së është Gjermania, me 76 milionë euro të dërguara, dhe Mbretëria e Bashkuar me 74.2 milionë euro. Bullgarët në Spanjë dërguan 40.6 milionë euro tek të afërmit dhe miqtë e tyre në periudhën janar-mars. Paratë që bullgarët jashtë vendit dërgojnë në vendin tonë shkojnë kryesisht në konsum, gjë që rrit të ardhurat nga TVSH-ja në thesarin e shtetit. Familjet që mbështeten nga jashtë i shpenzojnë paratë në vendbanime më të vogla, gjë që ka edhe një efekt pozitiv në bizneset lokale, thanë ekspertët për bTV.

Përpiloi: Ivo Ivanov

Përgatiti në shqip dhe publikoi: Vesella Mançeva

Foto: Pixabay