Ministria merr shënim përmbajtjen e Raportit të Komisionit për Punë të Jashtme (AFET) të Parlamentit Evropian mbi progresin e Republikës së Maqedonisë së Veriut, duke përfshirë vlerësimet dhe konstatimet në lidhje me gjendjen e integrimittë saj evropian.
"Ne mirëpresim vendosmërinë e AFET-it për të mos lejuar veten të përfshihet në narrativa spekulative nacionaliste që lidhen me pretendimet për një "identitet shekullor maqedonas", të cilat bien ndesh me vlerat evropiane të përfshirjes dhe lëndojnë ndjenjat si të bullgarëve, ashtu edhe të përfaqësuesve të komuniteteve të tjera në Republikën e Maqedonisë së Veriut", vuri në dukje Ministria bullgare e Punëve të Jashtme në qëndrimin e saj. Ajo thekson se Bullgaria "nuk ka kundërshtime ndaj perceptimeve bashkëkohore "moderne" të identitetit të ndonjë individi ose komuniteti - kjo është çështje zgjedhjeje personale.
Fatkeqësisht, interpretimi manipulues i këtij qëndrimi nga autoritetet në Shkup shpesh shërben si justifikim për mospërmbushjen e angazhimeve të marra. Kjo është një nga arsyet për vonesën në procesin e integrimit evropian të RSM-së".
Ministria bullgare e Punëve të Jashtme thekson se shqetësimet e vendit tonë në lidhje me politikat e RSM-së "lidhen kryesisht me dy çështje kryesore:
1. Garantimi i të drejtës së bullgarëve në RSM për vetëvendosje, pa frikën e persekutimit dhe diskriminimit;
2. Parandalimi i provokimeve kundër miliona qytetarëve bullgarë - qytetarë të Bashkimit Evropian - shumë prej të cilëve janë pasardhës të bullgarëve nga rajoni gjeografik i Maqedonisë".
Ministria e Punëve të Jashtme thekson se vendi ynë mbetet i përkushtuar ndaj të gjitha elementeve të Konsensusit Evropian të vitit 2022, zbatimi i të cilit është e vetmja mundësi për integrimin evropian të fqinjit tonë jugperëndimor. Ky qëndrim konfirmohet kategorikisht nga vendimet e Asamblesë Kombëtare të qershorit 2022 dhe majit 2025.
Lexoni më tepër:
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: MPJ
49.2% e qytetarëve bullgarë mbështesin anëtarësimin në eurozonë, dhe 45.8% janë kundër. Kjo tregohet nga një anketë nga "Alfa Research", e kryer në periudhën 8-22 korrik midis 1200 qytetarëve dhe 500 përfaqësuesve të biznesit, si pjesë e..
Shkencëtarë nga katedra “Astronomi” e Universitetit të Sofjes “Shën Kliment Ohridski” kanë studiuar M2 – një nga grupimet më të vjetra yjore në galaktikën tonë. Grupimet yjore përfaqësojnë grupe yjesh, të lidhura midis tyre përmes gravitetit të..
Gjatë natës së 12 duke u gdhirë 13 gusht, qielli mbi Bullgari do të ofrojë një nga spektaklet natyrore më mbresëlënëse – kulmin e shiut të meteorëve Perseid. Pritet që dhjetëra “yje që bien” në orë të ndriçojnë errësirën – një moment ideal për..
Gjatë natës së 12 duke u gdhirë 13 gusht, qielli mbi Bullgari do të ofrojë një nga spektaklet natyrore më mbresëlënëse – kulmin e shiut të meteorëve..
Shkencëtarë nga katedra “Astronomi” e Universitetit të Sofjes “Shën Kliment Ohridski” kanë studiuar M2 – një nga grupimet më të vjetra yjore në galaktikën..
Deri më 29 gusht 2025, banorët e Varnës dhe mysafirët e qytetit të Detit të Zi mund të vizitojnë ekspozitën udhëtuese "Gjurmët e Zhdukjes" në Muzeun..
Mot i kthjellët