Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje". Edicioni i njëmbëdhjetë i një prej ngjarjeve muzikore më poetike në vendin tonë filloi të premten në mbrëmje, 27 qershor, në Mullirin e Vjetër në fshatin Kërpaçevo me një koncert nga Angell Zaberski Trio, i ndjekur nga një jam sesion me Vasill Spasov dhe muzikantët e tij.

Më 28 qershor, ngjarjet zhvillohen paralelisht në disa skena. Kulmi i vërtetë, megjithatë, do të vijë në mbrëmje pranë shpellës Garvanica - një sallë akustike natyrore që organizatorët e përshkruajnë si "zemra e festivalit". Do të ketë një procesion Dixieland, si dhe një koncert të madh me disa nga muzikantët tanë më të famshëm të xhazit.

29 qershori, dita e fundit, i kushtohet fëmijëve me "Xhaz për Fëmijë". Festivali, i organizuar nga Shoqata e Pllajës Devetashko, është falas dhe i hapur për të gjithë. Brenda 11 vitesh, eventi ka arritur ta bëjë rajonin një destinacion turistik dhe vizitat janë rritur nga zeroja në mbi 200 000 në vit, thonë organizatorët.

Lexoni më tepër në arkivin e Radio Bullgarisë:

• "Xhazi nën yjet" në Pllajën Devetashko vazhdon deri të dielën

• Rajoni i Pllajës Devetashko është sërish skena e "Xhazi nën yje"

Përpiloi: Veneta Nikollova

Përgatiti në shqip dhe publikoi: Vesella Mançeva