Radioja Kombëtare Bullgare (BNR) dhe Universiteti i qytetit Ruse do të jenë partnerë në aktivitetet kulturore dhe arsimore në degën e sapohapur të universitetit në Taraklia, Moldavi. Kjo u bë e ditur pas një takimi midis drejtuesve të të dy institucioneve. Së shpejti pritet të nënshkruhet një memorandum bashkëpunimi.
Në fillim të shtatorit do të hapet zyrtarisht viti i parë akademik për studentët e degës së Universitetit të qytetit Ruse në Taraklia. Ata do të ndjekin studimet në shtatë programe të ndryshme – pedagogjike, teknike dhe ekonomike, njoftoi korrespondentja e BNR, Asja Pençeva.
"Presim mbi 100 studentë të pranuar në vitin e parë, që sipas mendimit tim është një fillim shumë i mirë, dhe me kënaqësi do ta ndajmë hapjen e vitit të ri akademik me BNR", tha rektorja e Universitetit të Ruses, doc. Desisllava Atanasova. Drejtori i Përgjithshëm i BNR, Milen Mitev, njoftoi gjithashtu për një ceremoni të ardhshme për fituesit e konkursit për ese, organizuar nga BNR për nxënësit nga komuniteti bullgar në Moldavi dhe Ukrainë.
"Ne kemi ambicien dhe qëllimin që t'ua dorëzojmë çmimet fituesve të këtij konkursi në një koncert, të cilin do të donim ta organizojmë së bashku me Universitetin e Ruses në Taraklia, në degën e tyre atje. Në këtë mënyrë, do ta kombinojmë hapjen e vitit akademik me një ngjarje të këndshme që do të ndihmojë në forcimin e mëtejshëm të lidhjeve midis komuniteteve bullgare në Moldavi dhe Ukrainë dhe vendit tonë."
Në ceremoninë që do të mbahet në fillim të shtatorit do të marrë pjesë edhe nënpresidentja e Bullgarisë, Ilijana Jotova.
Lexoni më shumë nga koleksioni i Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Asja Pençeva
Ekipi bullgar u kthye me katër medalje nga Olimpiada Ndërkombëtare Rinore e Astronomisë dhe Astrofizikës, e cila u zhvillua në qytetin rumun Pjatra Njamc, njoftoi qendra e shtypit e Ministrisë së Arsimit dhe Shkencës. Në garë morën pjesë 108..
Froll dhe Frosija janë banorët më të rinj të Parkut të Arinjve pranë Belicës, njoftoi Fondacioni “Katër Putrat”, i cili administron parkun së bashku me fondacionin “Brigitte Bardot”. Arinjtë janë motër e vëlla, shtatëvjeçarë, dhe vijnë nga strehimorja..
Për të tretin vit rradhazi, dhe për herë të dytë brenda dy muajve të fundit, një grup mjekësh bullgarë vizitoi Pustecin e Korçës për të ofruar shërbime mjekësore falas për banorët e zonës. Kjo nismë, e cila tashmë është kthyer në një traditë,..
Froll dhe Frosija janë banorët më të rinj të Parkut të Arinjve pranë Belicës, njoftoi Fondacioni “Katër Putrat”, i cili administron parkun së bashku me..
Ekipi bullgar u kthye me katër medalje nga Olimpiada Ndërkombëtare Rinore e Astronomisë dhe Astrofizikës, e cila u zhvillua në qytetin rumun Pjatra..