Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Parashikimi i motit për 8 korrikun 2025

Paralajmërim për temperatura të larta në të gjithë vendin

Foto: BGNES

Të martën, temperaturat minimale do të jenë nga 18 deri në 25°C. Në Sofje pritet 19°C. Gjatë ditës do të mbetet me diell dhe shumë nxehtë. Pasdite do të përhapen shtëllunga resh, por mundësia për reshje është e vogël. Do të fryjë erë e lehtë, në gjysmën lindore të vendit deri mesatare, nga juglindja. Temperaturat maksimale do të rriten edhe pak dhe do të jenë midis 37 dhe 42°C. Në kryeqytet – rreth 36°C.

Në male do të jetë me diell dhe ngrohtë. Pasdite do të ketë vranësira, por reshjet priten drejt mbrëmjes, kryesisht në pjesën perëndimore të malit Stara Pllanina. Do të fryjë erë mesatare dhe e fortë nga jugperëndimi. Temperatura maksimale në lartësi 1200 m do të jetë rreth 31°C, në 2000 metra – rreth 23°C.

Në bregdetin e Detit të Zi moti do të jetë me diell. Do të fryjë erë e lehtë deri mesatare nga juglindja. Temperaturat maksimale të ajrit do të jenë nga 26 deri në 30°C. Temperatura e ujit të detit është 24–26°C. Dallgëzimi i detit do të jetë 2–3 ballë.

Të mërkurën, që gjatë natës në Bullgarinë Perëndimore, era do të kthehet nga veriperëndimi, do të forcohet dhe me të do të fillojë të depërtojë ajër i freskët. Nën ndikimin e një fronti të ftohtë atmosferik, mbi Bullgarinë Perëndimore dhe Qendrore do të zhvillohet vranësirë e fuqishme me reshje shiu dhe në shumë zona do të ketë reshje afatshkurtra të shoqëruara me bubullima. Do të ketë edhe breshër. Temperaturat maksimale do të jenë në interval të gjerë – nga 27–28°C në rajonet veriperëndimore deri në 38–40°C në ato lindore.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES  



Последвайте ни и в Google News Showcase, за да научите най-важното от деня!

Më shumë nga rubrika

Universiteti i Sofjes merr përsipër presidencën e aleancës “Transform4Europe” për një vit

Në një ceremoni në Universitetin "Vytautas Magnus" në qytetin lituanez të Kaunasit, rektori i Universitetit të Sofjes “Shën Kliment Ohridski”, Prof. Georgi Vëllçev, pranoi sipas parimit të rotacionit presidencën e aleancës ndërkombëtare universitare..

botuar më 25-10-23 9.01.PD

Parashikimi i motit për 23 tetorin 2025

Të enjten , temperaturat minimale do të jenë nga 6 deri në 11°C, ndërsa në bregdetin e Detit të Zi nga 13 deri në 16°C; në Sofje – 7°C. Në mëngjes , në disa ultësira dhe lugina, dukshmëria do të jetë e kufizuar për shkak të mjegullës ose..

botuar më 25-10-22 7.35.MD
Kostadin Angellov

Mjekët e rinj do të marrin rritjen e dëshiruar të pagave të tyre

Në nivel koalicioni, kemi vendosur të plotësojmë kërkesat e paraqitura nga mjekët e rinj në lidhje me nivelet e pagave, tha në një takim të Komisionit Parlamentar të Shëndetësisë kryetari i tij Kostadin Angellov, njoftoi gazetarja e BNR-së Milla..

botuar më 25-10-22 5.11.MD