Këshilli i BE-së për Çështje Ekonomike dhe Financiare (ECOFIN) miratoi unanimisht tri aktet përfundimtare për anëtarësimin e Bullgarisë në eurozonë. Më herët, deputetët e Parlamentit Evropian në Strasburg miratuan raportin që mbështet pranimin e Bullgarisë në bashkimin monetar. Nga 8 korriku, Bullgaria zyrtarisht zë vendin e saj si shteti i 21-të në eurozonë, komentoi ministrja daneze e ekonomisë Stephanie Lose, e cila kryesoi mbledhjen e ministrave evropianë të financave.

Kursi i këmbimit leva-euro do të mbetet 1,95583 leva për 1 euro, vendosi ECOFIN.

Qeveria mbetet e përkushtuar ndaj një kalimi të butë dhe efikas në përdorimin e euros, në interes të të gjithë qytetarëve. Kështu deklaroi kryeministri Rosen Zheljazkov në një postim në rrjetin social “X” (ish-Twitter): “Ia dolëm. Nga 1 janari 2026, Bullgaria zyrtarisht do të adoptojë euron. Faleminderit të gjitha institucioneve, partnerëve dhe të gjithëve që me përkushtimin e tyre e bënë të mundur këtë moment historik.”

Lexoni më shumë mbi temën:

• Eurogrupi konfirmoi kursin e këmbimit euro/levë pas anëtarësimit të Bullgarisë në eurozonë

• Rruga e gjatë e Bullgarisë drejt euros

• Parlamenti Evropian mbështeti anëtarësimin e Bullgarisë në eurozonë

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: europa.eu