Rreth njëqind pjesëmarrës do të marrin pjesë në seminarin e 48-të Ndërkombëtar Veror për gjuhën dhe kulturën bullgare në Universitetin e Veliko Tërnovos, njoftuan organizatorët. Seminari hapet më 14 korrik dhe do të zgjasë deri më 3 gusht.

Pjesëmarrësit do të ndjekin çdo ditë mësime praktike në gjuhën bullgare në tre nivelet sipas Kornizës së Përbashkët Evropiane të Referencës për Gjuhët. Do të ketë gjithashtu kurse të specializuara me tema të ndryshme si: “Historia dhe kultura e Bullgarisë”, “Kultura dhe arti bullgar”, “Përfytyrimet mitologjike tradicionale të popullit bullgar”, “Arti pamor bullgar”, “Gjuha bullgare bashkëkohore”, “Folklori bullgar”, “Kinematografia bullgare bashkëkohore”, “Letërsia bullgare”.

Janë planifikuar edhe ekskursione në Arbanasi dhe në Etëra (muze në natyrë i zanateve tradicionale). Mysafire e forumit do të jetë shkrimtarja Zdravka Evtimova.

Tradicionale janë mbrëmjet e kushtuara kuzhinës kombëtare bullgare, kuzhinës ndërkombëtare, folklorit bullgar dhe një mbrëmje e kombeve.

Me rastin e 1170-vjetorit të krijimit të alfabetit glagolitik, do të organizohet edhe një aktivitet kaligrafik për shkrimin e shkronjave glagolitike.

Lexoni më shumë nga arkivi i Radio Bullgarisë:

• Veliko Tërnovo - një qytet i lashtë dhe i ri

• Kur u krijua alfabeti gllagolik?

• Shenja nga e kaluara - çfarë tjetër nuk dimë për alfabetin glagolitik?

• Rrethi, trekëndëshi dhe kryqi – sekretet e alfabetit glagolitik marrin jetë në punëtoritë për fëmijë

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA  - arkiv, arbanassi.org, Facebook/@etar.gabrovo