"Ju jeni ambasadorët më të mirë të Bullgarisë, të gjuhës dhe kulturës bullgare në mbarë botën, përfaqësuesit më të suksesshëm të diplomacisë kulturore." Me këto fjalë, nënpresidentja Ilijana Jotova përshëndeti pjesëmarrësit në Seminarin e 62-të Veror të Gjuhës dhe Kulturës Bullgare në Universitetin e Sofjes. "Jam e lumtur që sot, në sallën kryesore të universitetit më të vjetër bullgar, përfaqësues nga kaq shumë vende nuk kemi nevojë për përkthyes dhe flasim në një gjuhë të mrekullueshme bullgare."

Në edicionin e këtij viti të seminarit marrin pjesë mbi 80 studentë, pedagogë dhe përkthyes nga 26 shtete.

Nënkpresidentja përshëndeti organizatorët për programin e pasur të seminarit. “Seminari veror i gjuhës bullgare i kushtohet kujtesës dhe së ardhmes. Kujtesë që ka pika takimi me të tashmen, rrëfen për të kaluarën dhe na udhëheq drejt së ardhmes – zhvillimit të gjuhës bullgare, tendencave të reja në kulturën dhe letërsinë bullgare bashkëkohore, me autorë me njohje të gjerë ndërkombëtare,” theksoi Jotova.

Programi përfshin mësim praktik të gjuhës bullgare, seminare teorike për gjuhën bullgare, përkthim, letërsi bullgare dhe antropologji kulturore, si dhe, në mënyrë fakultative, mësim të këngëve dhe valleve popullore bullgare. Gjatë seminarit, pjesëmarrësit do të kenë mundësinë të vizitojnë Muzeun Historik Rajonal në Sofje, Institutin Kombëtar Arkeologjik me Muze, Bibliotekën Kombëtare “Shenjtor Kirill dhe Metodij”, Manastirin e Baçkovos dhe qytetin Koprivshtica.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: Presidenca