Sot u nënshkrua një memorandum për të përmirësuar ndërveprimin midis industrisë bullgare të mbrojtjes dhe pushtetit ekzekutiv. Dokumenti negocion një lloj të ri partneriteti duke përmirësuar komunikimin dhe duke shkurtuar distancën midis tyre. Qëllimi, sipas Ministrit të Mbrojtjes Atanas Zaprjanov, është një përgjigje adekuate në nivel kombëtar ndaj kërkesave moderne për modernizimin e industrisë së mbrojtjes.

Përfaqësuesi i Shoqatës Bullgare të Industrisë së Mbrojtjes, Petër Georgiev, vuri në dukje se sektori vlerësohet më shumë jashtë vendit sesa në vendin tonë. Ai i bëri thirrje udhëheqjes shtetërore të hartojë strategjitë e tyre së bashku me ta, dhe gjithashtu që sundimtarët tanë të preferojnë kompanitë bullgare të mbrojtjes, në vend të atyre të huaja. Në vitin 2023, prodhimi i 16 kompanive private në sektorin e mbrojtjes vlen pak më shumë se 4.2 miliardë leva (2.1 miliardë euro), raportoi gazetari Dobromir Videv.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BGNES