Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mijëra njerëz protestuan në Sofje në mbështetje të kryetarit të bashkisë së Varnës, Bllagomir Kocev, dhe kundër drejtësisë selektive

Foto: Facebook/People of Sofia

Mijëra qytetarë u mblodhën mbrëmë para Gjykatës në Sofje për të protestuar duke kërkuar drejtësi të pavarur dhe në mbrojtje të kryetarit të arrestuar të Varnës, Bllagomir Kocev. Demonstrata u organizua ngabashkësia civile “Drejtësi për të Gjithë” dhe u mbajt nën moton “Kundër shkopinjve të fortëve”.

Qytetarët, protesta e të cilëve u shndërrua në një procesion drejt ndërtesës së Asamblesë Kombëtare, mbanin në duar postera me mbishkrimet “Bullgaria është një vend evropian, fundi i mafies po afron”, “Ligji nuk është shkopinj”, “Ndaloni mbulimin e fajtorëve dhe ndëshkimin e të pafajshmëve”, “Varna për Bllagon”, raportoi BTA. “Hetimet e fundit kundër kryetarëve të bashkive dhe nënkryetarëve të bashkive tregojnë drejtësi selektive dhe një lidhje midis prokurorisë dhe oligarkisë”, thanë organizatorët.

“Ligji ka një pronar dhe emri i tij është Deljan Peevski – ortaku i Bojko Borisovit. Në vend që institucionet t’i shërbejnë shoqërisë, në vend që ta mbështesin atë dhe ta lejojnë të ekzistojë në një mënyrë normale, ato po përdoren nga disa banditë,” u tha protestuesve Ivajllo Mirçev, bashkëkryetari i “Bullgarisë Demokratike”.

Në Varna, qytetarët dolën në rrugë përpara ndërtesës së Bashkisë për protestën e tretë radhazi, duke shprehur mbështetjen e tyre për kryetarin e bashkisë. Demonstrata u mbajtën edhe në qytete të tjera të mëdha.

Më parë, dëshmitari kryesor kundër Bllagomir Kocev – ish-nënkryetari i bashkisë së Varnës Dian Ivanov, tërhoqi dëshminë e tij. “Sot paraqita një deklaratë në Prokurorinë e Qytetit të Sofjes, duke deklaruar se dëshmia ime në procedurat paraprake 220/24 është e rreme, pasi është dhënë nën presionin e punonjësve të Komisionit Kundër Korrupsionit – Sofje. Do të shohim se çfarë do të ndodhë me mua,” shkroi ai në Facebook.

Redaktoi: Diana Cankova

Përgatiti në shqip dhe publikoi: Vesella Mançeva

Foto: Facebook/People of Sofia



Последвайте ни и в Google News Showcase, за да научите най-важното от деня!

Më shumë nga rubrika

Eksportet bullgare të energjisë elektrike garantojnë balancën e energjisë elektrike në Ballkan

Bullgaria mbetet një eksportuese neto e energjisë elektrike dhe një nga shtyllat e sistemit energjetik në Evropën Juglindore. Eksportet e energjisë elektrike tejkalojnë importet me 3.1% në vitin 2024. Sipas këtij treguesi, vendi renditet i 11-ti në..

botuar më 25-10-23 10.14.PD

Një kapiten legjendar bullgar nis një udhëtim të vetëm rreth botës

Kapiteni i anijes me vela në distanca të gjata Svetllozar Tenev u nis nga Varna për një udhëtim rreth botës. Fillimi i lundrimit është në Las Palmas (Ishujt Kanarie, Spanjë), ku do të niset i shoqëruar nga një koleg. Pastaj do të lundrojë vetëm deri..

botuar më 25-10-23 9.51.PD

Universiteti i Sofjes merr përsipër presidencën e aleancës “Transform4Europe” për një vit

Në një ceremoni në Universitetin "Vytautas Magnus" në qytetin lituanez të Kaunasit, rektori i Universitetit të Sofjes “Shën Kliment Ohridski”, Prof. Georgi Vëllçev, pranoi sipas parimit të rotacionit presidencën e aleancës ndërkombëtare universitare..

botuar më 25-10-23 9.01.PD