Ministria e Punëve të Jashtme e Bullgarisë ka lëshuar një qëndrim pas pranisë së ambasadores gjermane në Bullgari Irene Maria Planck në protestën e mbrëmshme në Sofje kundër ndalimit të kryetarit të bashkisë së Varnës Bllagomir Kocev, raportoi BNR "Horizont".
Ministria theksoi rëndësinë e parimeve të respektit dhe paanshmërisë ndaj proceseve të brendshme politike të vendit pritës si bazë për ruajtjen e tonit të mirë dhe besimit të ndërsjellë midis institucioneve. Pa e përmendur emrin e Irene Maria Planck, ajo u bëri thirrje përfaqësuesve të misioneve diplomatike në vend dhe drejtuesve të tyre të tregojnë vëmendje të veçantë dhe ndjeshmëri profesionale në lidhje me paraqitjet e tyre publike, në mënyrë që të shmangen mundësitë për shfrytëzimin e tyre për qëllime të brendshme politike. "Çdo përfshirje e drejtpërdrejtë ose e tërthortë në proceset politike në nivel kombëtar rrezikon t'i vendosë përfaqësuesit diplomatikë në një pozicion të papajtueshëm me natyrën e mandatit të tyre dhe funksionet e shërbimit diplomatik në tërësi", theksoi Ministria e Punëve të Jashtme.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA
Serbët në mbarë botën shënojnë 1 vjetorin e tragjedisë në Novi Sad Më 1 nëntor, serbët që jetojnë jashtë vendit do t’i bashkohen thirrjes së studentëve në Serbi për të shënuar përvjetorin e shembjes së strehës së stacionit hekurudhor në Novi..
Federata Ruse nuk ka demonstruar në asnjë mënyrë gatishmërinë e saj për të arritur paqen. Deti i Zi është një zonë kufitare me luftën. Ai duhet të gëzojë vëmendjen absolute të aleatëve. Ne duam një prani më të madhe prej tyre në Detin e Zi. Kjo u..
Forcat qeverisëse nga GERB–SDS, BSP–Е majta e bashkuar dhe “Ka një popull të tillë” (ITN) nënshkruan një aneks ndaj marrëveshjes së tyre të koalicionit, me të cilin përcaktojnë rregullat për rotacionin e kryetarit të parlamentit. Mekanizmi i ri..
Vranësira të dendura me shi
Reshje