Më 18 korrik, 188-vjetori i lindjes së Vasill Levski do të festohet me manifestime të ndryshme nderimi në mbarë vendin për heroin e madh kombëtar bullgar. Qendra e festimeve është qyteti i lindjes së Apostullit të Lirisë - Karllovo. Në mbrëmje, në sheshin “Vasill Levsk” do të mbahet një shfaqje solemne fishekzjarrësh. Kryeministri Rosen Zheljazkov do të pranojë formacionin e nderit të njësive përfaqësuese ushtarake.
Në qytetin Levski, njëkohësisht festohen 80 vjet nga shpallja e vendbanimit si qytet dhe 188 vjet nga lindja e Vasill Levskit. I ftuar i festimit do të jetë Presidenti Rumen Radev.
Zëvendëspresidentja Ilijana Jotova do të jetë në Etropole për ceremoninë solemne të hapjes së një monumenti për Vasill Levskin.
Një iniciativë origjinale për përvjetorin është organizuar në Kazanllëk. Në të njëjtën kohë, në orën 17:00 në hipermarketet e mëdha të qytetit do të fillojë recitimi i poemës "Vasill Levski" nga Angelina Zhekova. Bashkia shpreson se kjo do t'i bëjë njerëzit të kujtojnë Apostullin e Lirisë pavarësisht jetës së tyre të përditshme të ngjeshur.
Mund të mësoni më shumë për heroin e madh kombëtar bullgar Vasill Levski nga rubrika jonë e posaçme “Për Levski”.
Redaktoi: Ivo Ivanov
Përgatiti në shqip dhe publikoi: Vesella Mançeva
Foto: arkiv
Që prej vitit 1980, bota e feston 27 shtatorin si Ditën Botërore të Turizmit.Ajo shoqërohet me përvjetorin e miratimit të statutit të Organizatës Botërore të Turizmit në vitin 1970. Një numër vendbanimesh bullgare organizojnë ngjarje të veçanta,..
Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë..
Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që..