Nisma qytetare "Drejtësi për të Gjithë" po organizon një protestë të re sonte në Sofje. Ajo do të mbahet para Pallatit të Drejtësisë dhe do të marshojë drejt ndërtesës historike të Asamblesë Kombëtare dhe deri në kryqëzimin kyç në kryeqytetin Orllov Most.

Protesta u provokua nga vendimi i Kolegjit të Prokurorisë për ta lënë Borisllav Sarafovin në krye të prokurorisë për një kohë të pacaktuar, pavarësisht kufizimit ligjor që një person jo-në detyrë nuk mund ta mbajë këtë pozicion për më shumë se 6 muaj.

Demonstruesit shprehin gjithashtu shqetësimin se arrestimet e kryetarëve të bashkive dhe këshilltarëve bashkiakë janë pjesë e një skenari për represion.

Sarafov u emërua Prokuror i Përgjithshëm i Përkohshëm i Bullgarisë në qershor 2023 pas shkarkimit të Ivan Geshev nga detyra. Sipas ndryshimeve të fundit në Aktin e Sistemit Gjyqësor nga janari i këtij viti, pas përfundimit të parakohshëm ose skadimit të mandatit të Prokurorit të Përgjithshëm, një prokuror i përkohshëm në detyrë emërohet për një periudhë jo më të gjatë se gjashtë muaj. Kolegji i Prokurorisë pranoi se ndryshimi nuk ndikon te Borisllav Sarafovi, pasi ai u emërua Prokuror i Përgjithshëm në detyrë përpara se ndryshimi të hynte në fuqi.

• Qytetarët u mblodhën në protestë para ndërtesës së Komisionit për Luftën Kundër Korrupsionit

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Facebook/PravosadieZaVseki