Mbi 95% prej zjarreve në vend janë për shkak të neglizhencës ose qëllimit, tha Kryeministri Rosen Zheljazkov, pasi inspektoi masat në vend të marra nga shtabi operativ për t'u përballur me katastrofën në rajonin e Strumjanit.
Falë organizimit të mirë dhe bashkëveprimit në kuadër të Mekanizmit të Ndihmës së Ndërsjellë të BE-së dhe pjesëmarrjes së ekipeve ajrore të zjarrfikësve nga Republika Çeke, Sllovakia, Hungaria, Franca dhe Suedia, do të jemi në gjendje të përballemi me këto zjarre në të ardhmen e afërt, tha Kryeministri, duke shtuar se, për fat të keq, presim zjarre të reja në gusht.
Mendoj se kabineti duhet të organizojë një takim në të cilin presidenti, në një kohë të përshtatshme për të, duhet të vijë që të flasim për bashkëveprimin midis institucioneve, siç duhet të jenë sipas Kushtetutës, dhe për tonin e mirë të nevojshëm, tha Zheljazkov për mediat në lidhje me kritikat e Presidentit Rumen Radev për gatishmërinë e shërbimeve për t'u përballur me zjarret.
Blerja e avionëve zjarrfikës është një proces kompleks dhe zgjat 3 vjet në rastin më të mirë. Dhe nuk ka asnjë mënyrë që të vazhdojmë me një proces të tillë pa një analizë të re të Forcave Ajrore, tha gjithashtu Kryeministri.
Gjatë 24 orëve të fundit, 167 zjarre janë shuar në vend, njoftoi Ministria e Brendshme.
Redaktoi: Ivo Ivanov
Përgatiti në shqip dhe publikoi: Vesella Mançeva
Foto: BTA
Athina është nën presion për të shitur avionë luftarakë që do të dërgohen në Ukrainë Greqia vazhdon të refuzojë të ofrojë pajisje ushtarake me teknologji të lartë që të përdoren kundër Rusisë, raportoi nga Greqia korrespondentja e BNR-së, Katja..
Duhet të mbështetemi mbi të vërtetën historike për të ndërtuar marrëdhënie të fqinjësisë së mirë me Maqedoninë e Veriut. Këtë e deklaroi presidenti Rumen Radev në Universitetin e Sofjes gjatë prezantimit të kopjes fototipike të veprës së çmuar..
Java e kaluar rezultoi praktikisht javë pushimi për deputetët e Legjislaturës së 51-të të Kuvendit Popullor të Bullgarisë, pasi gjatë tre ditëve të rregullta për seanca plenare – të mërkurën, të enjten dhe të premten – kuorumi nuk u arrit asnjëherë.Të..
Athina është nën presion për të shitur avionë luftarakë që do të dërgohen në Ukrainë Greqia vazhdon të refuzojë të ofrojë pajisje ushtarake me..
Duhet të mbështetemi mbi të vërtetën historike për të ndërtuar marrëdhënie të fqinjësisë së mirë me Maqedoninë e Veriut. Këtë e deklaroi presidenti..