Në mbledhjen e Komisionit për Arsim dhe Shkencë në Asamblenë Popullore, Mitropoliti Gavriil i Lloveçit paraqiti qëndrimin e Sinodit të Shenjtë të Kishës Ortodokse Bullgare, në të cilin Kisha Ortodokse Bullgare shpreh mbështetjen e saj për motivet e Ministrisë së Arsimit për të futur lëndën "Fetë dhe Virtytet" në shkolla, si pjesë e lëndëve të detyrueshme në programin arsimor.

Pas prezantimit të qëndrimit, Mitropoliti Gavriil theksoi se ka shumë më tepër prindër që duan që fëmijët e tyre të studiojnë ortodoksinë sesa ka mundësi të tilla në shkolla. Nga ana e tij, Kryetari i Komisionit Andrej Çorbanov theksoi se fëmijët që kanë zgjedhur modulet "Feja" do të mësohen nga mësues të trajnuar dhe natyra laike e arsimit nuk do të anashkalohet në asnjë mënyrë. Çorbanov theksoi se shumë nga frikët që mbizotërojnë në shoqëri për shkeljen e arsimit laik janë absolutisht të kota.

Lexoni më tepër në arkivin tonë:

• Ideja për të pasur orë mësimore mbi virtytet dhe fetë në shkollë shkaktoi një debat të gjerë shoqëror

Redaktoi: Darina Grigorova

Përgatiti në shqip dhe publikoi: Vesella Mançeva

Foto: Kisha Ortodokse Bullgare