Fushata informuese për futjen e euros në Bullgari është vonuar, tha për Televizionin Kombëtar Bullgar (BNT) zëvendëskryeministri Tomisllav Donçev. "Ky është një ndryshim i madh dhe njerëzit kanë frikë nga ndryshimi", shtoi ai. I pyetur nëse çmimet e tregut mund të vuajnë, Donçev kujtoi se niveli i tyre varet nga sjellja e secilit agjent, përfshirë blerësit.

"Ekzistojnë rreziqe si në konvertimin e monedhës ashtu edhe në këmbimin e monedhës. Jam shumë i shqetësuar për aktivizimin e kontingjentit kriminal dhe këtu mbështetem në të gjitha aktivitetet përgatitore që po kryhen, përfshirë edhe me kolegët nga Ministria e Brendshme, që të kenë efekt dhe të mos shkaktojnë probleme. Sigurisht, tregtarët madje përdorin ndryshimin e stinëve dhe festave për të na shitur diçka që nuk jemi të sigurt nëse na duhet. Si nuk do ta përdorin këmbimin e monedhës?", theksoi zëvendëskryeministri.

Pasi bankat u bënë thirrje qytetarëve që mbajnë leva në para të gatshme t'i depozitojnë ato në një llogari për lehtësi më të madhe para futjes së euros, statistikat e Bankës Kombëtare Bullgare (BNB) tani raportojnë se në qershor depozitat e sapohapura në leva arritën në 172 milionë euro. Kjo është 22.5% më shumë se në maj dhe 20% më shumë se një vit më parë. Shuma e fondeve të depozituara nga familjet tani ka arritur në mbi 45 miliardë euro.

Lexoni më tepër mbi temën në arkivin e Radio Bullgarisë:

• Futja e euros i jep fund bordit monetar nga 1 janari 2026

• Zyrtarisht jemi në eurozonë – a vazhdojnë shqetësimet mes bullgarëve?

• Bullgaria u bë anëtari i 21-të i eurozonës

• A do të mbetet Bullgaria me çmimet më të ulëta të karburanteve edhe pas vendosjes së euros?

• Si do të ndikojë futja e euros në çmimet e pronave në Bullgari?

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BNT