Për herën e njëqindtë – ngjitje festive në majën më të lartë të Ballkanit

botuar më 25-08-02 8.00.PD

Foto: Shoqata Turistike 'Turisti i Rillës'

Këtë vit shënohet pikërisht një shekull nga kremtimi i parë i Festës së Malit Rilla. Prej saj burojnë disa nga lumenjtë më të gjatë dhe me më shumë ujë të Gadishullit Ballkanik – Marica, Iskër dhe Mesta. Në territorin e saj ndodhen mbi 120 liqene natyrore, shumica prej të cilëve janë me origjinë akullnajore.

Tradita për të kremtuar malin më të lartë bullgar është vendosur më 2 gusht 1925 me një ngjitje të organizuar në majën më të lartë të Ballkanit – maja Musala. Çdo vit në fillim të gushtit entuziastë kapërcejnë lartësinë prej 2925.4 metra me një marshutë të organizuar nga shoqata turistike "Turisti i Rillës" me itinerar: kompleksi turistik "Borovec" – stacioni malor "Jastrebec" – stacioni malor "Musala" – maja Musala dhe kthim.

Kasollja 'Musala' në bregun e liqenit të shtatë Musala në majën Musala në vendpushimin Borovec, 5 gusht 1957

Musala është kurora e malit madhështor Rilla dhe është pjesë e njëqind objekteve turistike kombëtare. Maja është e mbuluar me shtresë dëbore mesatarisht 254 ditë në vit, ndërsa temperatura më e ulët e matur atje është -31.2 gradë Celsius, dhe ajo maksimale absolute – 18.7.

Vera është periudha më e favorshme për ngjitjen e majës sonë malore më të lartë, dhe ndihmesë për turistët ofron teleferiku nga kurorti "Borovec" deri në stacionin malor "Jastrebec", i cili ndodhet në 2 369 metra lartësi mbi nivelin e detit. Pas kësaj gjithçka varet nga qëndrueshmëria dhe vullneti personal, të cilat shpërblehen me pamje të mrekullueshme – në rrëzë të majës ka florë dhe faunë të larmishme, dhe është një vend i mirë për vëzhgim të shpendëve.

Megjithatë për momentin turistët duhet të jenë shumë të kujdesshëm edhe në ditët festive, sepse rreziku nga zjarret është i madh. Ndalohet rreptësisht ndezja e zjarreve dhe hedhja e bishtave të cigareve dhe mbeturinave në mal.

Redaktoi: Gergana Mançeva

Përgatiti në shqip dhe publikoi: Sindi Nikollofski

Foto: Shoqata Turistike "Rila Tourist", Pressphoto-BTA, borovets-bg.com

Последвайте ни и в Google News Showcase, за да научите най-важното от деня!

Ndaje

Për herën e njëqindtë – ngjitje festive në majën më të lartë të Ballkanit

Më shumë nga rubrika

Një spektakël i rrallë qiellor – Hëna e Kuqe ndriçon qiellin e natës mbi Bullgari

Kryetari i Bashkisë së Sofjes Vasill Terziev: Në vend që të vizatojmë vija ndarëse, le të ndërtojmë së bashku të ardhmen e fëmijëve tanë

Politikanët urojnë popullin bullgar me rastin e festës kombëtare të 6 shtatorit

Kryetari i Bashkisë së Sofjes Vasill Terziev: Në vend që të vizatojmë vija ndarëse, le të ndërtojmë së bashku të ardhmen e fëmijëve tanë

Politikanët urojnë popullin bullgar me rastin e festës kombëtare të 6 shtatorit

Një spektakël i rrallë qiellor – Hëna e Kuqe ndriçon qiellin e natës mbi Bullgari