Anija e peshkimit "Çavdar", e ndërtuar në vitin 1964, u fundos në fundin e detit pranë qytetit bregdetar Sozopoll, në një thellësi prej 30 metrash. Operacioni, që zgjati rreth një orë, u realizua me iniciativën e shkrimtarit Mihaill Zaimov dhe mbështetësve të tij. Qëllimi është që anija të shndërrohet në një shkëmb artificial. Brenda saj është vendosur një kafaz nga Instituti i Biologjisë Detare pranë Akademisë Bullgare të Shkencave, që do të ndihmojë në studimin e midhjes së zezë. Anija do të shfrytëzohet gjithashtu nga qendra e zhytjes në Sozopol për trajnimin e zhytësve amatorë.

Fundosjen e anijes e ndoqi edhe presidenti Rumen Radev, i cili ishte ndër të parët që u zhytën pasi “Çavdar” arriti në fundin e detit.

Më shumë se 15 vjet më parë, po pranë Sozopollit, u fundos edhe anija “Pionier”. Kjo shënoi fillimin e një projekti afatgjatë për krijimin e habitateve artificiale për organizmat detarë dhe të një vendi tërheqës për zhytësit.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA