Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Banka Kombëtare Bullgare (BNB) pret që inflacioni në vend të vazhdojë të rritet deri në fund të vitit 2025

Foto: BTA

Mungesa e fuqisë punëtore të mjaftueshme dhe konsumi i fortë privat janë arsyet kryesore për inflacionin, sipas "Rishikimit Ekonomik" të dytë të Bankës Kombëtare Bullgare (BNB) për vitin.

Inflacioni vjetor është 2.9%, duke u rritur me 2.1% deri në maj 2025 nga fundi i vitit 2024. Rritja është kryesisht për shkak të rritjes së çmimeve për ushqim dhe shërbime, si dhe kostove më të larta të punës së kompanive për njësi prodhimi. Prandaj, BNB pret që shkalla e rritjes së çmimeve të konsumit të përshpejtohet në gjysmën e dytë të vitit 2025.

Rritja ekonomike në vend u ngadalësua në tremujorin e parë të vitit 2025 dhe është 2.9% në bazë vjetore. Kjo është kryesisht për shkak të konsumit të brendshëm privat të familjeve, i cili u rrit me 9.0% në bazë vjetore.

Sinjalet e një ngadalësimi në rritjen zinxhir të ekonomisë botërore në tremujorin e dytë të këtij viti ndoshta do të reflektohen në një kërkesë më të dobët të jashtme për mallra dhe shërbime bullgare.

Banka Kombëtare Bullgare paralajmëron se një rrezik negativ shtesë mund të lindë nga thellimi i mundshëm i tensioneve tregtare midis Shteteve të Bashkuara dhe partnerëve të tyre kryesorë ekonomikë. Këta faktorë janë një parakusht për një ulje të aktivitetit ekonomik në Bullgari, duke pasur parasysh shkallën e lartë të hapjes së ekonomisë bullgare dhe pjesën e madhe të eksporteve në PBB.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA




Последвайте ни и в Google News Showcase, за да научите най-важното от деня!

Më shumë nga rubrika

“Allianz Trade”: Bullgaria do të jetë ndër ekonomitë me rritjen më të shpejtë në Evropën Qendrore dhe Lindore

Rritja vjetore e Prodhimit të Brendshëm Bruto të vendit tonë do të mbetet në një nivel prej mbi 3% në periudhën 2025-2027, parashikon siguruesi i kredive tregtare “Allianz Trade” në raportin e tij, raporton BTA. Kjo do të thotë që ekonomia bullgare do..

botuar më 25-10-22 2.56.MD

Punësimi në Bullgari është ndër më të lartët në BE, por mbi 1 milion njerëz nuk punojnë

Deri më 31 dhjetor 2024, numri i personave në moshë pune në Bullgari ishte 3 765 000, që përbën 58.5% të popullsisë së vendit. Nga këta, 1 970 000 janë burra, ndërsa 1 795 000 janë gra. Këtë e bëri të ditur nënkryetari i Institutit Kombëtar të..

botuar më 25-10-22 11.12.PD

Bullgaria mbetet ndër vendet e BE-së me borxhin më të ulët

Ministria e Financave më 21 tetor mori një borxh të brendshëm dhe shiti letra me vlerë shtetërore në shumën prej 300 milionë leva (145 milionë euro) me afat maturimi pas 3 vitesh. Gjatë vitit 2025, shteti mori një borxh të brendshëm prej 3 miliardë..

botuar më 25-10-22 9.33.PD