OPEN BUZLUDZHA mbledh mijëra nën “pjatën” e monumentit më të njohur në Bullgari

botuar më 25-08-16 7.00.PD

Foto: buzludzha-project.com

Monumenti në majën Buzlluxha – simbol i epokës socialiste në historinë bullgare dhe “yll” mes adhuruesve të turizmit të errët (dark tourism), për të pestën herë është skena e një festivali me frymë moderne dhe kauzë. Për të pestin vit, OPEN BUZLUDZHA ofron një shfaqje magjepsëse drite, biseda, punëtori dhe muzikë nga muzg deri në agim, me sfond natyrën e bukur në zemër të Stara Pllaninës. E gjithë kjo me një qëllim të vetëm – të mbledhë mbështetje publike për ruajtjen dhe hapjen e monumentit të Buzlluxhas si vend për art, kulturë dhe histori.

Organizator i ngjarjes është fondacioni “Projekti Buzlluzha”, i cili prej një dekade punon aktivisht për t’i dhënë jetë të re një prej ndërtesave më të njohura në Bullgari, dhe përpjekjet e tij mbështeten nga mijëra vullnetarë dhe bashkëmendimtarë.

Dora, e cila dëshiron t'i japë frymë të re Buzlluxhës: "Qëllimi është as të falësh e as të harrosh"

Këtë vit festivali i kushtohet 10-vjetorit të “Projektit Buzlluxha”. Motoja e tij është “Histori për t’u ndarë” dhe vizitorët kanë mundësinë të ndajnë historitë, mendimet dhe idetë e tyre për Buzlluxhan, si dhe të mësojnë për historitë personale të njerëzve të lidhur me vendin. “Festivali vetë është një histori për një përjetim të përbashkët dhe një kauzë të përbashkët. Ai shndërrohet në një skenë për takime mes historive dhe vizioneve, të kaluarës dhe së ardhmes, këtu dhe tani” – thonë organizatorët. Dhe pas përfundimit të tij më 17 gusht, ndarja e përshtypjeve dhe ideve vazhdon, për të ruajtur nga shkatërrimi dhe harresa simbolin e një epoke.

Shih më tepër nga Arkivi i Radio Bullgarisë:

Bullgaria – një destinacion i “turizmit dark”

Përpiloi: Ivan Gergov

Redaktoi: Elena Karkallanova

Përgatiti në shqip dhe publikoi: Sindi Nikollofski

Foto: buzludzha-project.com, Facebook /Projekti Buzludzha (arkiv)

Последвайте ни и в Google News Showcase, за да научите най-важното от деня!

Ndaje

OPEN BUZLUDZHA mbledh mijëra nën “pjatën” e monumentit më të njohur në Bullgari

Galeria

Më shumë nga rubrika

Një spektakël i rrallë qiellor – Hëna e Kuqe ndriçon qiellin e natës mbi Bullgari

Kryetari i Bashkisë së Sofjes Vasill Terziev: Në vend që të vizatojmë vija ndarëse, le të ndërtojmë së bashku të ardhmen e fëmijëve tanë

Politikanët urojnë popullin bullgar me rastin e festës kombëtare të 6 shtatorit

Kryetari i Bashkisë së Sofjes Vasill Terziev: Në vend që të vizatojmë vija ndarëse, le të ndërtojmë së bashku të ardhmen e fëmijëve tanë

Politikanët urojnë popullin bullgar me rastin e festës kombëtare të 6 shtatorit

Një spektakël i rrallë qiellor – Hëna e Kuqe ndriçon qiellin e natës mbi Bullgari