Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Për herë të parë në Bullgari mbahet kongresi ndërkombëtar i punuesve të dantellës

Foto: BGNES

Në zemër të Luginës së Trëndafilave, në shpatet e Stara Pllaninës dhe Sredna Gorës, për të 26-ën herë zhvillohet Festa e dantellës së Kalloferit.

Paleta e ngjarjeve është e pasur – mysafirët e dy qyteteve të vegjël nënmalorë, Karlovo dhe Kallofer, janë dëshmitarë të ekspozitave, koncerteve, pazarëve dhe demonstrimeve. Hapja zyrtare e festivalit u bë në Kallofer me një ujë të bekuar, menjëherë pas liturgjisë festive me rastin e festës së madhe kishtare Fjetja e Hyjlindëses Mari. Spektakli tregon historinë e dantellës së Kalloferit, dhe Qendra Krijuese e dantellës së Kaloferit në qytet është me dyer të hapura deri më 18 gusht.



Risi në program është zhvillimi për herë të parë në Bullgari i Kongresit Ndërkombëtar të Punuesve të Dantellës. Në kuadër të kongresit do të mbahen ligjërata, punëtori dhe ekspozita që paraqesin teknika dhe tradita të ndryshme në punimin me gjilpërë të dantellës me bobinë nga e gjithë bota. Mikpritja e një ngjarjeje të tillë është një njohje e jashtëzakonshme për vlerën e këtij arti, i cili ka filluar zhvillimin e tij në vendin tonë nga Kallofer, si dhe për arritjet e njerëzve nga Bullgaria, të cilët janë angazhuar plotësisht në mënyrë vullnetare për të popullarizuar dantellën me bobinë në vendin tonë dhe në botë.



Mijëra trëndafila prej dantelle me bobinë, të punuar sipas një modeli të njëjtë, kanë mbërritur nga vende të ndryshme të botës. Ato janë “thurur” në një hark dantelle, i cili pret pjesëmarrësit dhe mysafirët në Kalofer. Afrika e Jugut, Argjentina, Zelanda e Re, Australia, Japonia, SHBA – këto janë vetëm disa nga vendet nga të cilat priten pjesëmarrës – njoftoi korrespondentja e BNR për rajonin, Kremena Daneva.
Shih më shumë nga Arkivi i Radio Bullgarisë: 

Përpiloi: Ivan Gergov
Redaktoi: Elena Karkallanova
Përgatiti në shqip dhe publikoi: Sindi Nikollofski
Foto: BGNES, Facebook / Dantella e Kalloferit



Последвайте ни и в Google News Showcase, за да научите най-важното от деня!

Më shumë nga rubrika

76% e të rinjve në Evropë janë të ekspozuar ndaj dezinformimit – cila është situata në Bullgari

Çështja e informacionit cilësor dhe të saktë ka qenë gjithmonë jashtëzakonisht e rëndësishme, por a mos vallë tashmë jemi përballë një problemi që paraqet rrezik për përhapjen globale të lajmeve të rreme në të ardhmen? Sipas një studimi të Eurobarometrit,..

botuar më 25-09-27 8.05.PD
Facebook/Fondacioni

Mjekët bullgarë kryejnë konsulta mjekësore në fshatin shqiptar Pustec

Mjekë nga institucionet mjekësore bullgare po ekzaminojnë pacientë në fshatin shqiptar Pustec, njofton Ambasada e Bullgarisë në Tiranë . Iniciativa po zhvillohet falë organizimit dhe financimit të fondacionit “Kujtesa Bullgare” dhe themeluesit..

botuar më 25-09-26 8.59.MD

Vetëm 10% e fëmijëve të privuar nga kujdesi prindëror kanë leje për birësim

Aktualisht, nga gati 8000 fëmijë të privuar nga kujdesi prindëror, vetëm 850 kanë leje për birësim të plotë. Kjo u njoftua nga Zëvendësministri i Punës dhe Politikës Sociale Ivan Krëstev në një tryezë të rrumbullakët në Sofje, duke sakëtsuar se nga..

botuar më 25-09-26 5.06.MD