Spektakli unik “Zë dhe dritë” – për herë të parë me muzikë live

botuar më 25-08-17 7.00.PD

Foto: soundandlight.bg

Spektakli unik në Ballkan, por edhe në Evropë, “Zë dhe dritë”, i cili rikrijon momente të rëndësishme nga historia bullgare në sfondin e mbetjeve shekullore të epokave heroike në kryeqytetin e vjetër Veliko Tërnovo, feston 40-vjetorin. Me këtë rast përgatitet një koncert festiv më 5 shtator, në të cilin shfaqja audio-vizuale do të prezantohet para publikut për herë të parë me muzikë live. Në të do të marrin pjesë kori dhe orkestra e Operës Shtetërore – Ruse, me pjesëmarrjen speciale të mjeshtrit të kavallit Theodosii Spassov.

Nën dirigjimin e maestro Vladimir Boshnakov, koncerti do të jetë pjesë e festivalit operistik “Skena e shekujve”, i cili këtë vit shënon 40 vjet nga shfaqjet e para në ambient të hapur dhe 10 vjet nga shndërrimi i festivalit në një ngjarje të madhe sezonale për Veliko Tërnovon.

“Së bashku me Filarmoninë e Ruses do të bëjmë një koncert në Veliko Tërnovo, ku në atmosferën e këtyre fortesave të lashta do të tingëllojë muzika e njohur nga shfaqja ‘Zë dhe dritë’, që është simbol i Veliko Tërnovos. E gjitha do të zhvillohet më 5 shtator. Për mua kjo është shumë emocionuese, duhet të mbuloj disa pjesë të ndryshme në instrumente të ndryshme, duke u shndërruar në regjistra të ndryshëm, me timbre të ndryshme me instrumentin tim”, tha mjeshtri botëror i kavallit Theodosii Spassov për Radio Bullgarinë.

Përpiloi: Ivan Gergov

Redaktoi: Elena Karkallanova

Përgatiti në shqip dhe publikoi: Sindi Nikollofski

Foto: soundandlight.bg, Ani Petrova

Последвайте ни и в Google News Showcase, за да научите най-важното от деня!

Ndaje

Spektakli unik “Zë dhe dritë” – për herë të parë me muzikë live

Më shumë nga rubrika

Kryevepra të kulturës muzikore bullgare: Kënga “Njerëz dhe rrugë” nga filmi i paharrueshëm “Djali po largohet”

"Kundër Kohës"… Kthimi i grupit "Faktor"

32 violinistë të rinj nga 14 vende marrin pjesë në konkursin "Vasko Abaxhiev"