Edicioni i katërmbëdhjetë i Festivalit Ndërkombëtar Kulinar-Folklorik "Shijet Banate – Traditat e fshatit tim" do të mbahet më 16 gusht 2025, e shtunë, në fshatin Asenovo, komuna Nikopoll. Festivali organizohet nga Vatra e Kulturës "Petër Parçeviç 1927" – Asenovo dhe Komuna Nikopoll. Qëllimi i festivalit është promovimi dhe ruajtja e traditave kulinare të vendeve të ndryshme dhe komuniteteve etnike, të cilat paraqiten në ekspozita gastronomike dhe demonstrime të gatimit në kohë reale, si dhe prezantimi i folklorit lokal nëpërmjet kostumeve popullore dhe interpretimeve folklorike.

Në sheshin kryesor, në ambient të hapur, do të demonstrohet gatimi i ushqimeve tradicionale banate, ndërsa pjesëmarrësit do të kenë mundësinë të marrin pjesë aktivisht dhe të shijojnë specialitetet. Në sheshin përpara Vatrës së Kulturës do të mund të dëgjohen dhe shihen interpretime të këngëve dhe valleve autentike, si edhe të tjera aktivitete kulturore. Është parashikuar edhe një garë origjinale për qërimin dhe prerjen e hollë të qepës, me moton "Përmes lotëve drejt fitores".
Bullgarët banatë janë bullgarë të shpërngulur, katolikë, të cilët gjatë sundimit osman u larguan nga trojet e tyre dhe u vendosën në rajonin e Banatit. Pas Çlirimit të Bullgarisë, një pjesë e tyre u kthye në atdhe.
Lexoni më shumë nga arkivi i Radio Bulgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA, FB/banatskivkusotii
Historia e fshatit Gostilja është njëkohësisht një udhëtim nëpër kohë dhe një takim me një komunitet të vogël katolik që arriti, pavarësisht ndryshimeve të historisë, të ruajë identitetin dhe besimin e tij. Fshati ndodhet në Bullgarinë..
“Folklori është një nevojë për njeriun dhe kjo nevojë ndoshta nuk do të zhduket kaq lehtë”, është e bindur doc. dr. Natalija Rashkova – etnologe dhe folkloriste, pedagoge universitare dhe studiuese me kontribut të dalluar në kërkimin e folklorit..
Ambasada e Bullgarisë në Japoni ftoi bashkatdhetarët tanë që jetojnë në Tokio dhe zonën përreth të marrin pjesë në një seminar krijues për qëndismat bullgare më 19 tetor 2025. "Jemi të kënaqur t'ju ftojmë në një seminar qëndisjeje të organizuar..