Ndjekësit e mësuesit shpirtëror Beinsa Duno (Petër Dënov), të njohur si Vëllazëria e Bardhë, e presin Vitin e Ri Hyjnor më 19 gusht tek Shtatë Liqenet e Rilës – në ditën e Shpërfytyrimit të Krishtit sipas kalendarit të vjetër. “Kjo ngjarje qendrore në krishterim lidhet me ndryshimin dhe shpresën e re, me lindjen e diellit në shpirtin e njeriut”, thuhet në faqen zyrtare të organizatës.
Për tre ditë me radhë – më 19, 20 dhe 21 gusht – ndjekësit e Dënovit festojnë së bashku fillimin e ri, të lidhur me lindjen shpirtërore të njeriut. Praktika tradicionale e mësimit të tyre – Panevritmia – fillon në orën 10:00, më 19 gusht, pranë liqenit “Veshka”.
Për herë të parë, një veprimtari e tillë u organizua nga Petër Dënov (1864–1944) pranë Shtatë Liqeneve të Rilës gjatë verës së vitit 1929. Mësimi i Dënovit, i cili ka ndjekës në mbarë botën, bashkon shpirtërimin e krishterë me urtësinë ezoterike, duke predikuar dashurinë, urtësinë dhe të vërtetën si rrugë drejt harmonisë me Zotin, natyrën dhe njerëzimin. Vëllazëria që ai themeloi quhet “e Bardhë”, pasi e bardha është simbol i pastërtisë, dritës dhe urtësisë hyjnore. Gjatë vallëzimit Panetvritmia, që simbolizon harmoninë mes njeriut, natyrës dhe universit, ndjekësit e Dënovit vishen tërësisht me rroba të bardha.
Lexoni më shumë nga koleksioni i Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Kirill Falin
Presidenti Rumen Radev do të marrë pjesë sot, 2 tetor, në prezantimin zyrtar të një botimi fototip të "Almanakut Maqedonas" të Organizatës Patriotike Maqedonase me rastin e 85-vjetorit të origjinalit. Prezantimi i botimit fototip të veprës së..
Një ritual ushtarak në nderim të heronjve të rënë në betejat e Kajmakçallan-it u zhvillua në majën me të njëjtin emër, në kufirin midis Maqedonisë së Veriut dhe Greqisë, njoftoi Ministria e Mbrojtjes. Gjatë Luftës së Parë Botërore, në vitin 1916, në..
Një ceremoni solemne do të mbahet në Silistra më 1 tetor për të shënuar 85-vjetorin e kthimit të Dobruxhës Jugore në Bullgari, raportoi BTA. Përfaqësues të autoriteteve lokale dhe qendrore dhe qytetarë do të vendosin lule para monumentit të..