Gjatë muajit korrik u zbuluan gati dy herë më shumë laboratorë dhe sipërfaqe të përdorura për prodhimin dhe kultivimin e substancave narkotike krahasuar me muajin paraprak, njofton agjencia BGNES. Në korrik 2025 u evidentuan 40 raste, ndërsa në qershor – 22. Gjatë periudhës 1–31 korrik 2025, u sekuestruan mbi 1 ton kanabis dhe 465 kg marihuanë, sipas analizës mujore të të dhënave nga Njësia e Posaçme Ndërinstitucionale midis Prokurorisë dhe Ministrisë së Punëve të Brendshme, e krijuar për të ndihmuar hetimet e kësaj kategorie krimesh, njoftoi Prokuroria e Shtetit. Për krime të lidhura me prodhimin, përpunimin, blerjen, posedimin dhe shpërndarjen e substancave narkotike u arrestuan 785 persona.

Po ashtu, Prokuroria njofton për ndalimin e 51 shtetasve të vendeve të treta, që qëndronin ilegalisht në Bullgari, si dhe 99 persona të dyshuar për kalim të paligjshëm të kufirit dhe ndihmë ndaj të huajve për të qëndruar apo kaluar nëpër territorin bullgar.

Gjatë muajit korrik hynë në fuqi 317 aktgjykime për krime të lidhura me drogën dhe 83 për çështje të lidhura me migracionin.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: mvr.bg/gdgp