Nga 22 deri më 24 gusht në zonën Dobromerica zhvillohet edicioni i 15-të i Festivalit të Kostumit Popullor Zheravna – 2025, një ngjarje që çdo vit mbledh mijëra vizitorë të veshur me kostume tradicionale popullore, njoftoi BNT. Mbi 30 gajde kaba do të hapin festivalin sonte në orën 20:00, i cili përfshin një program të pasur me: koncerte të Ansamblit Kombëtar Folklorik “Bëllgare”, Ansamblit “Stranxha”, grupit “100 gajde kaba” dhe të tjerë. Do të ketë gara vallëzimi të formacioneve popullore nën qiellin e hapur, vallet rituale të nestinarëve, mundje popullore dhe konkurs për kostume autentike.

Festivali organizohet me mbështetjen e Ministrisë së Turizmit dhe pjesëmarrja është me pagesë. Të gjithë pjesëmarrësit duhet të jenë të veshur me kostume popullore, ndërsa burrat mund të mbajnë edhe veshje të tipit vojvode apo çetnike. Lejohen gjithashtu edhe kostume popullore tradicionale të kombeve të tjera.

Festivali lindi në vitin 2008 nga një ide e Hristo Dimitrovit – producent, koreograf dhe regjisor i Ansamblit Kombëtar “Bëllgare”. Qëllimi i veprimtarisë është që pjesëmarrësit të përjetojnë nga afër mënyrën e jetesës së bullgarëve rreth 150 vjet më parë.
Historia e fshatit Gostilja është njëkohësisht një udhëtim nëpër kohë dhe një takim me një komunitet të vogël katolik që arriti, pavarësisht ndryshimeve të historisë, të ruajë identitetin dhe besimin e tij. Fshati ndodhet në Bullgarinë..
“Folklori është një nevojë për njeriun dhe kjo nevojë ndoshta nuk do të zhduket kaq lehtë”, është e bindur doc. dr. Natalija Rashkova – etnologe dhe folkloriste, pedagoge universitare dhe studiuese me kontribut të dalluar në kërkimin e folklorit..
Ambasada e Bullgarisë në Japoni ftoi bashkatdhetarët tanë që jetojnë në Tokio dhe zonën përreth të marrin pjesë në një seminar krijues për qëndismat bullgare më 19 tetor 2025. "Jemi të kënaqur t'ju ftojmë në një seminar qëndisjeje të organizuar..